FRAMLEIÐSLUSTYRKIR FYRIR STUTTMYNDIR

Afgreiðsla sjóðsins tekur að jafnaði 6-8 vikur. Fáist jákvætt svar við umsókninni er gefið út vilyrði fyrir styrk. Áður en unnt er að ganga frá samningi milli framleiðanda og Kvikmyndasjóðs þarf fjármögnun að vera að fullu lokið ásamt öðrum ákvæðum reglugerðar. Ganga verður frá samningi áður en tökur hefjast.

Þróunarstyrkir til stuttmynda eru einungis veittir sem hluti af framleiðslustyrk, en 30% framleiðslustyrks er greiddur út við undirritun samnings.

Umsækjendur þurfa að fylla út umsóknareyðublað KMÍ.
Umsóknareyðublaðið er hægt að ná í á .pdf formi hér að neðan.
Umsækjendur þurfa að skila þeim fylgigögnum sem talin eru upp í útlistun viðkomandi styrkja.

Öllum umsóknum og fylgigögnum þarf að skila inn í tveimur eintökum. Að auki skal skila inn einu eintaki á rafrænu formi.

Hægt er að nálgast gátlista á .pdf vegna umsókna fyrir framleiðslustyrki hér.
Hægt er að nálgast kostnaðaráætlun á .xls fyrir leiknar stutt- og heimildarmyndir hér.
Hægt er að nálgast KMÍ umsóknareyðublaðið á .pdf hér.