FRÉTTIR
SÝNINGUM BÆTT VIÐ VEGNA AÐSÓKNAR
Forsala miða á Bíódaga í menningarmiðstöðinni Nordatlantens Brygge í Kaupmannahöfn hefur farið fram úr björtustu vonum, en þar verður boðið upp á stuttmyndir, heimildamyndir og kvikmyndir frá Íslandi, Færeyjum og Grænlandi. Skipuleggjendur hátíðarinnar hafa því brugðið á það ráð að bjóða upp á aukasýningar á flestum myndunum til þess að anna eftirspurn.
Íslensk framlög til hátíðarinnar eru myndirnar Djöflaeyjan eftir Friðrik Þór Friðriksson, Dansinn eftir Ágúst Guðmundsson og Smáfuglar eftir Rúnar Rúnarsson.