FRÉTTIR
NÁMSKEIÐ Í FÉLAGSLEGRI HEIMILDARGERÐ
Námskeið á vegum ESoDoc – European Social Documentary fara fram í þremur Evrópulöndum í sumar og haust. Námskeiðin miða að því að leiða saman ólíka aðila sem koma að framleiðslu heimildarmynda um félagsleg málefni, mannréttindi og umhverfismál og stuðla þannig að nýjum tækifærum í evrópskri heimildamyndagerð.
Fyrsta námskeiðið á árinu fer fram í Bressanone á Ítalíu dagana 9.-15. maí, annað námskeiðið fer fram í Berlín í Þýskalandi dagana 11.-17. júlí og þriðja námskeiðið fer fram í Isola í Slóveníu dagana 14.-20. september. Umsóknarfrestur rennur út 3. mars næstkomandi, en nánari upplýsingar um námskeiðin og umsóknir má nálgast á vefslóðinni www.esodoc.eu