FRÉTTIR
ÍSLENSKAR MYNDIR VERÐLAUNAÐAR Í BELGÍU
Tvær íslenskar myndir unnu til verðlauna á kvikmyndahátíðinni Le Festival International du Film d‘Amour de Mons sem fór fram í bænum Mons í Belgíu dagana 13.-20. febrúar. Kvikmyndin Skrapp út eftir Sólveigu Anspach vann þar til verðlauna sem besta evrópska myndin og hin sigursæla stuttmynd Rúnars Rúnarssonar, Smáfuglar, hlaut verðlaun sem besta alþjóðlega stuttmyndin.
Kvikmyndahátíðin í Mons fagnaði aldarfjórðungsafmæli sínu nú í ár, en hún nýtur stöðugt meiri vinsælda og virðingar hjá kvikmyndaunnendum um heim allan.