FRÉTTIR
ÍTÖLSK KVIKMYNDAHÁTÍÐ Í REGNBOGANUM 20. til 22. mars 2009
Núna um helgina verður lítil ítölsk kvikmyndahátíð í Regnboganum
þar sem eingöngu verða sýndar myndir Paolo Sorrento,
Honum er ofaukið - L’uomo in più frá 2001
Afleiðingar ástarinnar - Le conseguenze dell'amore frá 2004
Fjölskylduvinurinn - L´Amico di famiglia frá 2006
sem fékk aðalverðlaun dómnefndar í Cannes það árið.
Þrjár ítalskar kvikmyndir eftir Paolo Sorrentino
Löng hefð er fyrir gerð kvikmynda á
Ítalíu. Þegar við nefnum leikstjóra á
borð við De Sica, Rosselini, Fellini,
Visconti, Antonioni, Pasolini, Olmi og
Scola hlýtur ungum kvikmyndagerðarmönnum
þar í landi að hrjósa
hugur. Þrátt fyrir það hafa ungir ítalskir
leikstjórar tekið meiri áhættu og þróað
nýjan stíl. Þeir hafa skapað fleiri
persónugerðir og velt við fleiri flötum á
ítalskri menningu og sögu í nýjustu
myndum sínum. Kvikmyndirnar þrjár
sem við sjáum í þessari litlu seríu eru
allar eftir Paolo Sorrentino, sem er einn
af bestu kvikmyndagerðarmönnum Ítalíu
af yngstu kynslóðinni í dag. Hann er
borinn og barnfæddur í Napolí þann 31.
mars árið 1970. Áður en hann tók til við
leikstjórn var hann þekktur handritshöfundur
í sjónvarpi. Honum er ofaukið
er fyrsta höfundarverk hans og önnur
kvikmyndin í fullri lengd er hann
leikstýrir. Í næstu mynd sinni
Afleiðingar ástarinnar heldur hann
áfram einstöku samstarfi sínu við
leikarann Toni Servillo, sem oftast
kemur við sögu í myndum hans. Þessi
mynd var sýnd á kvikmyndahátíðinni í
Cannes og vakti verðskuldaða athygli
gagnrýnenda og kvikmyndafólks og
sópaði til sín verðlaunum á ýmsum
kvikmyndahátíðum. Þriðja myndin
Fjölskylduvinurinn vakti ekki minni
athygli í Cannes 2006, enda hlaut hún
aðalverðlaun dómnefndar það árið. Þar
heldur Sorrentino áfram að kanna með
hnitmiðuðu myndmáli sínu dýpri og
dekkri afkima sálarinnar. Kvikmyndastíll
Paolo Sorrentino er persónulegur og
um leið nútímalegur og alþjóðlegur.
Vinnubrögð hans eru öguð og
nýtískuleg. Sköpunargleði hans og
frumleiki ásamt nýstárlegri notkun
tónlistar skipa honum á bekk meðal
fremstu kvikmyndaleikstjóra Evrópu í
dag. Nýjasta mynd hans, il Divo, sem
því miður er ekki á dagskrá á þessari
hátíð og fjallar um þingmanninn Giulio
Andreotti, hefur vakið gífurlega athygli,
en frumsýningar hennar fara nú fram
víða í Evrópu. Sendiráð Ítalíu á Íslandi
á heiðurinn af því að færa okkur
þessar frábæru kvikmyndirmyndir.
Góða skemmtun!
Buon divertimento!
SÝNINGARTÍMAR
Föstudagur 20. mars
17:50 Fjölskylduvinurinn
20:00 Afleiðingar ástarinnar
22:10 Honum er ofaukið
Laugardagur 21. mars
15:30 Honum er ofaukið
17:50 Afleiðingar ástarinnar
20:00 Honum er ofaukið
22:10 Fjölskylduvinurinn
Sunnudagur 22. mars
15:30 Afleiðingar ástarinnar
17:50 Honum er ofaukið
20:00 Fjölskylduvinurinn
22:10 Afleiðingar ástarinnar
HONUM ER OFAUKIÐ
L’uomo in più
ítalía 2001
Leikstjórn: Paolo Sorrentino
Aðalhlutverk: Toni Servillo, Andrea
Renzi, Nello Mascia, Angela Goodwin
Lengd: 100 min.
Þessi áhugaverða kvikmynd Honum er
ofaukið byggir á sögu tveggja ólíkra
manna á Ítalíu á áttunda og níunda
áratugnum. Þeir voru sannkallaðar
stjörnur sem báðir litu full stórt á sig.
Annar þeirra var söngvarinn Franco
Califano. frægur rokkari sem hafði
gefið út fleiri en þrjátíu hljómplötur og
leikið í nokkrum kvikmyndum. Hinn var
knattspyrnustjarnan Agostino Di
Bartolomei sem gekk undir gælunafninu
DiBa. DiBa stytti sér aldur 39 ára gamall
árið 1994. Honum er ofaukið fjallar um
tvo menn með sama nafni, sem eru
fæddir á sitt hvoru árinu. Franco
Califano verður að hinum vinsæla
næturklúbbssöngvara Tony Pisapia en
DiBa verður Antonio Pisapia yngri, sem
er dáð knattspyrnuhetja. Að upplagi
eru þeir ólíkir. Tony er haldin
stórmennskubrjálæði, eigingjarn og
þóttafullur kókaínneytandi meðan nafni
hans er feiminn og hlédrægur, en þó
skapstyggur og einþykkur. Sem
söngvari á Tony sér ekki viðreisnar
von eftir að hann á samræði með
stúlku undir lögaldri. Óheppnin eltir
aftur á móti Antonio, sem slasast í leik,
og verður að segja skilið við glæstan
feril sem knattspyrnumaður. Hann
reynir fyrir sér sem þjálfari, en ungri
eiginkonu hans líst illa á það.
AFLEIÐINGAR ÁSTARINNAR
Le conseguenze dell'amore
Ítalía 2004
Leikstjórn: Paolo Sorrentino
Aðalhlutverk: Toni Servillo, Adriano
Giannini, Olivia Magnani, Angela
Goodwin, Raffaele Pisu
Lengd: 100 mín.
Allir eiga sín leyndarmál, en Titta di
Girolamo á þau fleiri en flestir aðrir.
Það er augljóst. Hvers vegna skyldi
annars maður á miðjum aldri frá SuðurÍtalíu
dvelja í átta ár á hóteli í smábæ
undir fölsku flaggi sem svissneskur
Ítali. Það virðist sem hann hafi ekki haft
nokkuð fyrir stafni í öll þessi ár.
Glæsilega klæddur og síreykjandi hefur
hann eigrað um hótelið, án annarrar
dægradvalar. Eins og að hann hafi
beðið eftir því að eitthvað gerðist. Það
virðist sem Titta sé orðin tilfinningalaus
og vart má orðið greina svipbrigði í
andliti hans. Hann er aleinn og
yfirgefinn. Hann virðist einungis hugsa
um leyndarmálið er býr í sálu hans. En
hvers vegna? Hver eru leyndarmál
Titta?
FJÖLSKYLDUVINURINN
L´Amico di famiglia
Ítalía 2006
Leikstjórn: Paolo Sorrentino
Aðalhlutverk: Fabizio Bentivoglio,
Giacomo Rizzo, Gigi Angelillo, Laura
Chiatti
Lengd: 110 mín.
Hinn sjötugi skraddari og okurkarl
Geremia de Geremei er forljótur og
sóðalegur, auðugur og nískur,
kaldhæðinn og háðskur. Tengsl hans
við lífið og tilveruna einkennast af
þráhyggju og dauðyflislegu stærilæti
bæði gagnvart móður sinni, konum og
peningum. Í reynd gagnvart lífinu öllu.
Geremia heldur að hann sé einn á ferð.
Svo er ekki. Allir eru eins og hann. Við
erum öll eins og hann. Þannig lýsir
leikstjórinn Paolo Sorrentino helstu
persónu myndarinnar, sem er sviðsett í
vingjarnlegum smábæ í Pontine fenjasvæðinu
suður af Róm. Þar búa
foreldrar hinnar ungu og ofurfögru
Rósölbu, sem neyðast til að taka lán
hjá Geremia vegna brúðkaups dóttur
sinnar.
Þýðingar eru með enskum undirtitlum