FRÉTTIR
TVÆR ÍSLENSKAR KVIKMYNDIR SÝNDAR Í PUSAN
Myndirnar The Good Heart eftir Dag Kára og Sólskinsdrengurinn eftir Friðrik Þór Friðriksson taka þátt í Pusan kvikmyndahátíðinni, sem haldin er í borginni Busan í Suður-Kóreu og stendur yfir dagana 8.-16. október. Kvikmyndahátíðin er ein sú stærsta og virtasta sem haldin er í Asíu og er nú haldin í fjórtánda skipti.
Sólskinsdrengurinn tekur þátt í svokölluðum Documentary Showcase-dagskrá hátíðarinnar, þar sem að ljósi er varpað á nýlegar og áhugaverðar heimildarmyndir frá öllum heimshornum. The Good Heart tekur þátt í alþjóðlegri kvikmyndadagskrá hátíðarinnar.