FRÉTTIR
FRIÐRIK ÞÓR FRIÐRIKSSON HEIÐRAÐUR Í TRENCIN
Kvikmyndahátíðin Artfilm Fest fór nýverið fram í borginni Trencin í Slóvakíu. Á hátíðinni var meðal annars boðið upp á fókus á kvikmyndir íslenska leikstjórans Friðriks Þórs Friðrikssonar.
Við sýningu á Djöflaeyjunni í Metro Kvikmyndahúsinu á mánudaginn síðastliðinn voru Friðriki veitt sérstök heiðursverðlaun borgarstjórans í Trencin. Borgarstjórinn, Branislav Celler, afhenti Friðriki verðlaunagrip að viðstöddum gestum kvikmyndahátíðarinnar.
Kvikmyndahátíðin Art Film Fest fór fram dagana 18.-26. Júní.