FRÉTTIR
Reykjavík shorts & docs
Heimilda- og stuttmyndahátíð í Reykjavík, 25.-26. maí
Hátíðin, sem nú verður haldin í fjórða sinn, hefur skapað sér sérstöðu sem vettvangur fyrir íslenska höfunda stutt- og heimildamynda til að frumsýna verk sín. Að þessu sinni verða sýndar 5 íslenskar heimildamyndir og 9 stuttmyndir.
Er sérstök ástæða til að nefna stuttmynd Gríms Hákonarsonar, Slavek the Shit, sem valin var til sýninga í Cinefondation skólamynda keppninni í Cannes. Opnunarmynd heimildamyndahlutans verður ný heimildamynd Ásthildar Kjartansdóttur um myndlistarkonuna Rósku.
Myndirnar verða sýndar í Tjarnarbíói og í Red Rock Cinema í Hellusundi nánari upplýsingar má finna á heimasíðu hátíðarinnar.