Sources 2 óska eftir umsóknum fyrir handritsþróunarvinnustofu

Sources 2 óskar eftir umsóknum fyrir handritsþróunarvinnustofu. Handritsþróunarvinnustofan fer fram frá 9. – 17. júní hjá FilmCamp í Øverbygd í Noregi. Óskað er eftir bæði kvikmyndum í fullri lengd í þróun ásamt skapandi heimildamyndum í þróun. Umsóknarfrestur rennur út 1. mars.

Sources 2 eru þýsk samtök sem standa fyrir ýmsum þjálfunaratburðum fyrir evrópskt kvikmyndagerðarfólk. Samtökin sérhæfa sig í þróun handrita.

Nánari upplýsingar um hvernig skuli sækja um er að finna á heimasíðu Sources 2.