Íslenska kvikmynda- og sjónvarpsakademían er sameiginlegur vettvangur hagsmunafélaga kvikmyndagerðarmanna í landinu til að stuðla að eflingu íslenska kvikmynda- og sjónvarpsgeirans. Í þessu skyni stendur akademían m.a. fyrir veitingu Eddunar, íslensku kvikmynda- og sjónvarpsverðlaunanna, ár hvert. ÍKSA er jafnframt útgefandi Lands & sona, málgagns kvikmyndagerðarmanna, á vef og pappír. Akademían var stofnuð 1999 og voru fyrstu Edduverðlaunin veitt sama ár. Formaður stjórnar akademíunnar er Hilmar Sigurðsson.

Heimasíða Lands & sona: logs.is
Heimasíða Eddunar: eddan.is

Félag kvikmyndagerðarmanna er elsta starfandi hagsmunafélag kvikmyndagerðarmanna á Íslandi, stofnað árið 1966. Markmið félagsins er að gæta hagsmuna kvikmyndagerðarmanna og stuðla að eflingu greinarinnar. Félagið á fulltrúa í stjórnum Upplýsingaþjónustu MEDIA, Innheimtumiðstöð gjalda IHM og Íslensku kvikmynda- og sjónvarpsakademíunnar, auk Kvikmyndaráðs. Formaður er Hrafnhildur Gunnarsdóttir. 

Vefur Félags kvikmyndagerðarmanna: filmmakers.is

Samband íslenskra kvikmyndaframleiðenda - SÍK er samband íslenskra félaga og fyrirtækja, sem framleiða allar tegundir kvikmynda. Tilgangur félagsins er að efla íslenska kvikmyndagerð, gæta hagsmuna og réttar kvikmyndaframleiðenda auk þess að stuðla að dreifingu íslenskra kvikmynda. Félagið varð til 7/2/2000 með sameiningu Sambands Íslenskra kvikmyndaframleiðenda og Framleiðendafélagsins. Félagðið á fulltrúa í stjórnum Upplýsingaþjónustu MEDIA, Innheimtumiðstöð gjalda IHM og Íslensku kvikmynda- og sjónvarpsakademíunnar, auk Kvikmyndaráðs og er meðlimur í FIAP og ACCICOA. Formaður félagsins er Hilmar Sigurðsson.

Vefur SÍK er: www.producers.is

Samtök kvikmyndaleikstjóra gæta hagsmuna þeirra leikstjóra sem starfa við kvikmyndir og sjónvarp á Íslandi. Félagið á fulltrúa í stjórn Íslensku kvikmynda- og sjónvarpsakademíunnar, Kvikmyndaráði og stjórn Innheimtumiðstöðvar gjalda. Formaður félagsins er Ragnar Bragason.

Vefur samtakanna er: http://skl-filmdirectors.net/

Félag leikskálda og handritshöfunda var stofnað 1974 upp úr eldra félagi leikskálda og hét upphaflega Félag íslenskra leikritahöfunda. Formaður félagsins er Hávar Sigurjónsson.

Vefur félagsins er: www.leikskald.is

Hlutverk upplýsingaþjónustunnar er að veita upplýsingar um alla þá starfsemi sem heyrir undir MEDIA Plús áætlunina eða nýtur stuðnings hennar. Upplýsingaþjónustan aðstoðar umsækjendur við útfyllingu umsókna um lán og styrki til MEDIA Plús áætlunarinnar sem og stofnana og samtaka henni tengdri.

Upplýsingaþjónusta MEDIA á Íslandi er sjálfseignarstofnun og er rekin sameiginlega af MEDIA Plús áætluninni, Kvikmyndamiðstöð Íslands og Menntamálaráðuneytinu.

Framkvæmdastjóri MEDIA upplýsingaþjónustunnar á Íslandi er Margrét Sigríður Vigfúsdóttir

Vefur Media upplýsingaþjónustunnar á Íslandi: www.mediadesk.is

Samtök myndrétthafa á Íslandi voru stofnuð árið 1992 til að vera hagsmunagæsluaðili rétthafa myndefnis á Íslandi og hafa ýmis hagsmunamál á sínum snærum. Félagsmenn samtakanna hafa rétt til dreifingar á yfirgnæfandi hluta þess kvikmynda- og sjónvarpsefnis og tölvuleikja sem finna má á íslenskum markaði.

Félagsmenn eru kvikmyndahús, helstu útgefendur kvikmynda og sjónvarpsefnis, sjónvarpsstöðvar og helstu dreifingaraðilar tölvuleikja. Jafnframt er SMÁÍS samstarfsaðili MPA (Motion Picture Association). Nánari upplýsingar er að finna á vef smáís: www.smais.is

KIKS (Konur í kvikmyndum og sjónvarpi) er Íslandsdeild alþjóðlegu WIFT-samtakanna (Women in Film and Television), en þau voru stofnuð í Los Angeles á sjöunda áratugnum með það aðalmarkmið að stuðla að fjölbreytni í myndrænum miðlum með því að virkja konur, gera þær sýnilegri og styðja þátttöku þeirra í framleiðslu kvimynda og sjónvarpsefnis.

Samtökin starfa nú í rúmlega fjörtíu löndum og eru með yfir 10.000 skráða meðlimi. Íslandsdeildin var stofnuð í september 2006.

Vefur KIKS: www.wift.is

Kvikmyndaskóli Íslands er alþjóðlegur listaskóli sem býður upp á markvissar námsleiðir fyrir þá sem vilja starfa í kvikmynda- og sjónvarpsiðnaðinum.

Vefur Kvikmyndaskóla Íslands: http://www.kvikmyndaskoli.is/