Vigga býr með fjölskyldu sinni í 8 hæða blokk á höfuðborgarsvæðinu. Vigga er 12 ára og við sjáum heiminn í gegnum augu hennar. Við kynnumst fjölskyldu hennar  sem er ósköp venjuleg íslensk fjölskylda en þegar nánar er athugað er hún skemmtilega “dysfunctional” eins og allir aðrir íbúar í blokkinni.

Hulli er teiknuð útgáfa af höfundi þáttanna, Hugleiki Dagssyni. Hann býr í teiknaðri Reykjavík og hangir með teiknuðum vinum sínum. Hulli er listamaður á niðurleið. Dónalegar myndasögur hans, sem hafa notið töluverðrar velgengni, eru hættar að seljast. Enda lesa krakkar ekki í dag. Þeir horfa.