Spennumynd byggð á skáldsögu eftir Arnald Indriðason. Erlendur rannsóknarlögreglumaður (Mýrin) rannsakar uppruna beina, sem finnast í grunnri gröf á byggingarsvæði í úthverfi Reykjavíkur. Rannsóknin leiðir hann aftur í tímann til síðari heimstyrjaldarinnar þegar bandaríski herinn var með herstöð á Íslandi.

Þokkadísin Díana Klein leitar ásjár hjá einkaspæjurunum Harrý og Heimi, þar sem faðir hennar, sem er veðurathugunarmaður á Regingnípu, virðist hafa horfið sporlaust. Harrý og Heimir leggja í leiðangur upp á hálendið og tekst að stöðva svívirðilegt samsæri danskra skíðaáhugamanna um að stela íslenska hálendinu og flytja það úr landi.

Hugi hefur fundið skjól frá flækjum lífsins í litlu, kyrrlátu þorpi úti á landi, sækir AA fundi, lærir portúgölsku og kann ágætlega við sig í fásinninu. Þegar hann fær símhringingu frá föður sínum sem boðar komu sína er hið einfalda líf skyndilega í uppnámi.

Magdalena lifir einmanalegu lífi, hún er atvinnulaus og ennþá inni í skápnum. Til að drepa tímann byrjar hún að fara í jarðarfarir ókunnugs fólks. En vegir ástarinnar eru órannsakanlegir því þegar Magdalena hittir Grétu, sína fyrstu og forboðnu ást, kemur í ljós að lengi lifir í gömlum glæðum.

Tvíburasystkinin  Eydís og Kári  eru send á Silungapoll vegna heimiliserfiðleika og fátæktar. Börnin trúa því statt og stöðugt að dvölin verði stutt, en biðin veldur þeim síendurteknum vonbrigðum. Dagarnir líða, en Eydís með sinn sterka lífsvilja og lífsgleði yfirstígur hverja hindrunina eftir aðra með ráðsnilld og dugnaði og umhyggju fyrir Kára bróður sínum.