UMSÓKNIR

Styrkir úr Kvikmyndasjóði eru einungis veittir íslenskum framleiðslufyrirtækjum og einstaklingum sem hafa kvikmyndagerð að meginstarfi. Vilyrði fyrir styrki úr Kvikmyndasjóði opnar oft dyr að annarri fjármögnun og því er æskilegt að sækja um með góðum fyrirvara.

Afgreiðsla umsókna tekur að jafnaði 6-8 vikur. Fáist jákvætt svar við umsókn er gefið út vilyrði fyrir styrk. Áður en unnt er að ganga frá úthlutunarsamningi milli framleiðanda og Kvikmyndamiðstöðvar Íslands þarf fjármögnun að vera lokið og önnur ákvæði reglugerðar að vera uppfyllt. Ganga verður frá samningi áður en tökur hefjast.

Umsækjendur þurfa að fylla út umsóknareyðublað KMÍ sem nálgast má hér að neðan.

Umsækjendur þurfa að skila þeim fylgigögnum sem talin eru upp í útlistun viðkomandi styrkja.

Öllum umsóknum og fylgigögnum þarf að skila inn í tveimur eintökum.

ATHUGIÐ: Yfirlit yfir þau verkefni sem styrkt hafa verið er að finna undir tenglinum "Úthlutanir" hér til vinstri.

Hægt er að nálgast KMÍ umsóknareyðublaðið á .pdf hér.