Umsóknir

Umsóknir um endurgreiðslu

Umsækjendum er bent á að kynna sér lög um endurgreiðslur og reglugerð áður en að sótt er um.

Umsóknarferlið fyrir endurgreiðslur er tvíþætt:


1. Sótt er um vilyrði um endurgreiðslu til Kvikmyndamiðstöðvar         Íslands áður en framleiðsla hefst. 

Skila þarf inn fullbúinni umsókn ásamt verkefnamati. Ef umsókn fullnægir settum skilyrðum og uppfyllir markmið laganna er gefið út vilyrði um endurgreiðslu. 

Yfirlit yfir gögn sem skila þarf með umsókn um vilyrði 

Verkefnamat - Eyðublað

Skýringar á stigagjöf verkefnamats

2. Umsókn um útborgun endurgreiðslu er skilað inn þegar framleiðslu verkefnis er lokið og fjárhagsuppgjör liggur fyrir.

Framleiðslu telst lokið þegar allir vinnsluþættir sem sótt er um endurgreiðslu fyrir eru fullunnir, staðin hafa verið skil á niðurstöðu þeirra og kostnaður vegna þeirra skráður í fjárhagsbókhald umsækjanda og hefur verið gerður upp. 

Yfirlit yfir gögn sem skila þarf með umsókn um útborgun endurgreiðslu 


Greinar 4 og 6 í reglugerð 450/2017 tiltaka hvaða gögnum skuli skila inn vegna umsóknar um endurgreiðslu. 

Mikilvægt er að gæta þess að umsókn innihaldi allar umbeðnar upplýsingar svo unnt sé að taka umsókn til umfjöllunar.

Nefnd um endurgreiðslu kemur saman að jafnaði 1. og 3. fimmtudag hvers mánaðar og fjallar um umsóknir. Umsækjandi þarf að skila umsókn ásamt fylgigögnum í seinasta lagi viku fyrir næsta fyrirhugaða fund svo unnt sé að taka umsókn til umfjöllunar. 

Nánari upplýsingar veitir Tjörvi Þórsson, framleiðslustjóri hjá Kvikmyndamiðstöð Íslands: tjorvi@kvikmyndamidstod.is 

Athygli er vakin á að sú staða getur komið upp að þegar umsæjandi sækir um útborgun séu fjárheimildir ársins þegar fullnýttar. Þá er nefndinni heimilt að fresta greiðslu yfir á næsta fjárlagaár.