Íslenska stuttmyndin, In a Heartbeat í leikstjórn Karolina Lewicka, var valin besta stuttmyndin á barnakvikmyndahátíðinni, Indian Children‘s Film Festival, sem haldin var í 7. sinn í Bengaluru og fleiri borgum í Karnataka fylki á Indlandi dagana 9. til 14. janúar 2012.

Lesa meira

Fimm íslenskar myndir voru valdar til að taka þátt í samkeppni, NIFA, um bestu, nýju norrænu stuttmyndina á Minimalen stuttmyndahátíðinni, Minimalen Short Film Festival, sem haldin verður í Þrándheimi í Noregi dagana 14. til 18. mars 2012.

Lesa meira

Stofnun Erich Pommer í Þýskalandi, í samvinnu við MediaXchange í Bretlandi, stendur fyrir vinnustofum um nýjungar í gerð evrópskra sjónvarpsþátta.

Lesa meira

Drama, gaman, hasar og ævintýri ráða í bland ríkjum í þremur íslenskum kvikmyndum – Eldfjalli, Á annan veg og Hetjum Valhallar – Þór, sem taka þátt í GIFF, Göteborg International Film Festival, í Gautaborg, Svíþjóð dagana 27. janúar til 6. febrúar.

Lesa meira

Heimildamyndin Amma Lo-Fi - Kjallaraspólur Sigríðar Níelsdóttur verður sýnd í flokknum Bright Future á kvikmyndahátíðinni International Film Festival Rotterdam 2012, sem haldin dagana 25. janúar til 5. febrúar n.k. Skömmu síðar heldur Amma Lo-Fi vestur um á tveggja vikna heimildamyndahátíð í hinu virta listasafni MoMA í New York dagana 16. til 28. febrúar n.k.

The Good Pitch Europe 2012 kallar eftir umsóknum til þátttöku í fjármögnunarmessu sem haldin verður í London þann 25. júní 2012. Viðburðurinn er ætlaður kvikmyndagerðarmönnum sem vinna að verkefnum tengdum umhverfis- og/eða félagsmálum. Undanfari messunnar eru tvær vinnustofur. Umsóknarfrestur rennur út kl. 16:00 þann 1. febrúar 2012.

Lesa meira

Boðað er til fundar með fagfélögum í kvikmyndagerð og Kvikmyndamiðstöð þriðjudaginn 13. desember kl. 16 í Bíó Paradís.

Stutt-og heimildamyndahátíðina Reykjavík Shorts&Docs Festival verður haldin dagana 6.-9. maí 2012. Fram til 1.janúar 2012 er ekkert gjald tekið fyrir innsendar myndir en eftir 1. janúar kostar 4000 kr að senda inn hverja kvikmynd. Hægt er að senda inn kvikmyndir á hátíðina fram til 1. mars 2012.

Lesa meira

Hilmar Guðjónsson er einn 10 evrópskra leikara sem var valinn í Shooting Star, sem er sérstök kynning á ungum og efnilegum kvikmyndaleikurum sem þykja líklegir til að ná langt í sínu fagi. Hópurinn var kosinn af alþjóðlegri dómnefnd og teljast þeir sem valdir eru Shooting star vera á meðal efnilegustu kvikmyndaleikara Evrópu. Það er European Film Promotion sem stendur fyrir Shooting Star og er Kvikmyndamiðstöð Íslands aðili að þeim samtökum.

Lesa meira

Vinnustofa leikmyndahönnuða, Two Days in Copenhagen, fer fram í Kaupmannahöfn 21. – 22. janúar 2012. Sérstakir gestir vinnustofunnar verða BAFTA-verðlaunahafarnir Nathan Crowley (“Public Enemies”, “The Dark Knight”, “The Prestige”, “Insomnia”, “The Dark Knight Rises”) og Sarah Greenwood (“Sherlock Holmes 1+2”, “Hanna”, “Atonement”, “Pride & Prejudice”, “Anna Karenina”). Frekari upplýsinga má nálgast á www.scenograf.dk, með því að senda tölvupóst á another2days@gmail.com eða í gegnum síma +45 3314 3355.

Kvikmyndin Á annan veg eftir Hafstein Gunnar Sigurðsson hlaut aðalverðlaun kvikmyndahátíðarinnar í Tórínó fyrir bestu mynd um helgina. Þá var Á annan veg einnig verðlaunuð fyrir besta handrit og fékk gríðarlega góðar viðtökur á þessari virtu hátíð.

Lesa meira

Kvikmynd Friðriks Þórs Friðrikssonar, Mamma Gógó, hlaut tvenn verðlaun á Funchal kvikmyndahátíðinni sem fram fór í Madeira í Portúgal. Annars vegar fyrir bestu leikkonu (Kristbjörg Kjeld) og hins vegar Silver Funchal City Award - verðlaunin.

19 íslenskar kvikmyndir verða sýndar á kvikmyndahátíðinni Black Nights Film Festival, sem fram fer í Tallinn í Eistlandi dagana 16. – 30. nóvember. Á annan veg eftir Hafstein Gunnar Sigurðsson verður opnunarmynd Black Nights, Eldfjall eftir Rúnar Rúnarsson er í aðalkeppni hátíðarinnar og Friðrik Þór Friðriksson hlýtur heiðursverðlaun hátíðarinnar.

Lesa meira

Amma lo-fi var valin besta alþjóðlega tónlistarmyndin á heimildamyndahátíðinni CPH:DOX, sem fram fór í Kaupmannahöfn dagana 3. – 13. nóvember. Heimildamyndin, sem frumsýnd var á hátíðinni, fjallar um tónlistarkonuna Sigríði Níelsdóttur, sem sjötug byrjaði að taka upp eigin tónlist og gaf út 59 plötur næstu sjö árin á eftir.

Kvikmyndin Á annan veg eftir Hafstein Gunnar Sigurðsson hlaut Eystrasaltsverðlaunin (Baltic Film Prize) á norrænu kvikmyndahátíðinni í Lübeck í Þýskalandi. Þetta er í 20. sinn sem verðlaunin eru veitt og hafa kvikmyndaleikstjórar á borð við Lars von Trier, Susanne Bier og Friðrik Þór Friðriksson áður veitt þeim viðtöku.

Lesa meira

Below ZERO er fjármögnunarmessa og vinnustofa tileinkuð heimildamyndum sem fjalla um lífið á Norðurheimskautsslóðum. Messan fer fram Tromsö í Noregi dagana 18. – 21. janúar 2012. Frestur til að sækja um þátttöku rennur út 28. nóvember 2011.

Lesa meira

Norrænir kvikmyndadagar í Lübeck fara fram í 53. sinn dagana 2. – 6. nóvember. Tíu íslenskar myndir verða sýndar á hátíðinni – fimm kvikmyndir í fullri lengd, fjórar heimildamyndir og ein stuttmynd.

Lesa meira

Eldfjall, kvikmynd Rúnars Rúnarssonar, hlaut gullna úlfinn – aðalverðlaun kvikmyndahátíðarinnar í Montréal, Festival du Nouveau Cinema. Auk þess hlaut myndin sérstök gagnrýnendaverðlaun samtakanna AQCC, Association québécoise des critiques de cinéma.

Lesa meira

Sumarlandið hlaut verðlaunum fyrir besta handritið á Fantastic Fest kvikmyndahátíðinni í Texas. Ólafur Egilsson og Grímur Hákonarson skrifuðu handritið sem vann í flokknum Fantastic Features.

Hægt er að senda inn verkefni í leit að alþjóðlegum styrktar- og samstarfsaðilum fram til 27. október. Markaðurinn er að leita að efnilegum verkefnum með fjáröflun á milli 2-10 milljón evra. Um það bil 30 verkefni verða síðan valin til þátttöku.

Ekki missa af góðu tækifæri til að sjá hvað er að gerast í gagnvirkri heimildamyndagerð. DocXchange Forum verður haldið þann 28. september næstkomandi. Nánari upplýsingar eru að finna hér.

Alþjóðlega ráðstefnan You Are In Control verður haldin í fimmta sinn dagana 10. – 12. október í Hörpu.

Af gefnu tilefni er sérstakur afsláttur veittur fyrir einyrkja/einstaklinga sem vinna við skapandi greinar og fá þeir miða á ráðstefnuna á hálfvirði og borga þar með 10.000 krónur fyrir miðann. Til þess að nýta þetta tilboð er hægt að hafa samband við Bryndísi hjá You Are In Control og þar sem þessir miðar eru í takmörkuðu upplagi og gildir reglan fyrstur kemur fyrstur fær.

Lesa meira

Fimm áhrifaríkar en jafnframt afar ólíkar norrænar kvikmyndir keppa um hin eftirsóttu kvikmyndaverðlaun Norðurlandaráðs á þessi ári. Íslenski leikstjórinn Árni Ólafur Ásgeirsson, handritshöfundurinn Ottó Geir Borg og framleiðendurnir Þórir Sigurjónsson, Skúli Fr. Malmquist, Grímar Jónsson og Gísli Örn Garðarsson eru tilnefndir til verðlaunanna fyrir kvikmyndina BRIM og keppa við eina mynd frá hverju hinna norrænu ríkjanna: Danmörku, Finnlandi, Noregi og Svíþjóð.

Lesa meira

Eldfjall, fyrsta kvikmynd Rúnars Rúnarssonar í fullri lengd, hefur verið valin á kvikmyndahátíðina í Toronto sem fram fer 8. – 18. september. Eldfjall hefur hlotið mjög góðar viðtökur frá því hún var frumsýnd á kvikmyndahátíðinni í Cannes í vor og hlaut meðal annars verðlaun fyrir bestu leikstjórn á kvikmyndahátíðinni í Transilvaniu í júní síðast liðnum.

Lesa meira

Heimildamyndin Gnarr eftir Gauk Úlfarsson hlaut tvenn verðlaun á kvikmyndhátíðinni Traverse City Film Festival, sem fram fór dagana 26. – 31. júlí. Gnarr var útnefnd sem besta erlenda heimildamyndin í „Founders“-verðlaunaflokknum og Gaukur Úlfarsson hlaut verðlaun fyrir bestu leikstjórn erlendrar heimildamyndar í flokknum „World Documentary Jury Awards“.

Lesa meira

Berlinale Talent Campus fer fram í 10. sinn dagana 11. – 16. febrúar 2012, samhliða kvikmyndahátíðinni í Berlín. Vinnustofan er ætluð kvikmyndagerðarmönnum sem eru stíga sín fyrstu skref í kvikmyndageiranum og hafa áhuga á að læra af virtum sérfræðingum og efla alþjóðlegt tengslanet sitt. Umsóknarfrestur um þátttöku rennur út 5. október 2011.

Lesa meira

Tilkynnt hefur verið hvaða myndir taka þátt í keppni á Nordisk Panorama 2011, sem fram fer í Árhúsum í Danmörku dagana 23. – 28. september. Alls voru 67 myndir valdar í keppni í ár og af þeim eru sjö frá Íslandi.

Lesa meira

Valdís Óskarsdóttir er á meðal 10 evrópskra leikstjóra sem vert er að fylgjast með. Hópurinn, sem valinn var af gagnrýnendum Variety, var kynntur á alþjóðlegu kvikmyndahátíðinni í Karlovy Vary og myndir eftir leikstjórana sýndar. Nýjasta kvikmynd Valdísar, Kóngavegur, var hluti af þeirri dagskrá.

Lesa meira

Heimildamyndahátíðin IDFA fer fram í 24. sinn í Amsterdam dagana 16. – 27. nóvember. Í tengslum við hátíðina verður haldin fjármögnunarmessa og markaður fyrir heimildamyndir. Frestur til að sækja um þátttöku er 1. september fyrir fjármögnunarmessuna og 1. ágúst / 15. september fyrir markaðinn.

Lesa meira

Pixel markaðurinn fer fram 12. – 13. október og er hluti af hinni árlegu Power to the Pixel vinnustofu „Cross-Media Forum“. Markaðurinn er haldinn í tengslum við BFI kvikmyndahátíðina í London og á honum gefst þátttakendum færi á að kynna og fjármagna verkefni sín. Umsóknarfrestur rennur út 29. júlí.

Lesa meira

Alþjóðleg fjármögnunarmessa fer fram dagana 10. - 12. september 2011 í tengslum við kvikmyndahátíðina í Toronto. Umsóknarfrestur rennur út 27. júlí.

Lesa meira

Opið er fyrir skráningu á Nordisk Panorama 2011. Hátíðin fer fram í 22. sinn í Árhúsum í Danmörku dagana 23. – 28. september 2011. Skráningin fer fram á heimasíðu Nordisk Panorama og geta áhugasamir nýtt sér sérstakt „early bird“ tilboð séu þeir fljótir til.

Fjórar íslenskar kvikmyndir voru valdar inn á Alþjóðlegu kvikmyndahátíðina í Karlovy Vary. Um er að ræða kvikmyndirnar Kóngaveg eftir Valdísi Óskarsdóttur í flokknum: Variety´s Ten Euro Directors to Watch, Brim eftir Árna Óla Ásgeirsson í flokknum: Horizons, Eldfjall eftir Rúnar Rúnarsson í flokknum: Another View og heimildamyndina Backyard eftir Árna Sveinsson í flokknum: A Musical Oddyssey.

Lesa meira

Cinetrain: Russian Winter er Vinnustofa sem snýst um einstaka upplifun við framleiðslu á heimildamynd sem mun eiga sér stað í febrúar 2012 í lestarferð frá Murmansk til Irkutsk.
Nánari upplýsingar eru á www.cinetrain.net

TalentCampOdense eru alþjóðlegar kvikmyndabúðir fyrir unga og efnilega kvikmyndagerðarmenn. Þetta er í fjórða sinn sem þær eru haldnar á sama tíma og Alþjóðlega kvikmyndahátíðin í Odense.

Nánari upplýsingar eru á http://www.talentcampodense.dk

Kvikmyndin Mamma Gógó í leikstjórn Friðriks Þórs Friðrikssonar vann áhorfendaverðlaunin á alþjóðlegu kvikmyndahátíðinni Festroia í Portúgal á sunnudag.

Lesa meira

Skjaldborg, hátíð íslenskra heimildamynda, verður haldin í fimmta sinn á Patreksfirði um hvítasunnuhelgina, 10. – 12. júní. Yfir 20 nýjar íslenskar heimildamyndir verða frumsýndar á hátíðinni og spennandi verkefni í vinnslu verða kynnt.

Lesa meira

Tvær íslenskar kvikmyndir eru í keppni á alþjóðlegu kvikmyndahátíðina í Transilvaníu. Um er að ræða kvikmyndirnar Kóngaveg eftir Valdísi Óskarsdóttur og Eldfjall eftir Rúnar Rúnarsson, sem frumsýnd var á kvikmyndahátíðinni í Cannes í maí.

Lesa meira

Kristbjörg Kjeld hlautverðlaun sem besta leikkona í aðalhlutverki á kvikmyndahátíð í Rússlandi fyrir hlutverk sitt í Mömmu Gógó í leikstjórn Friðriks Þórs Friðrikssonar.

Lesa meira

Skjaldborg, hátíð íslenskra heimildamynda, verður haldin í fimmta sinn á Patreksfirði um hvítasunnuhelgina, 10. – 12. júní. Yfir 20 nýjar íslenskar heimildamyndir verða frumsýndar á hátíðinni og spennandi verkefni í vinnslu verða kynnt.

Lesa meira

Vinnustofan Producers on the Move fer fram dagana 14. – 17. maí í tengslum við kvikmyndahátíðina í Cannes. 25 framleiðendur frá jafnmörgum löndum í Evrópu voru valdir af European Film Promotion til að taka þátt og er Hlín Jóhannesdóttir frá Zik Zak á meðal þeirra.

Fyrsta kvikmynd Rúnars Rúnarssonar í fullri lengd verður frumsýnd á kvikmyndahátíðinni í Cannes núna á föstudaginn. Klukkan 14:00 verður sérstök sýning fyrir blaðamenn og mun Rúnar Rúnarsson sitja fyrir svörum að sýningu lokinni. Myndin verður síðan sýnd aftur klukkan 22:00 og þá sem hluti af hinu virta Quinzaine des Réalisateurs (Directors‘ Fortnight) flokki.

Lesa meira

Kvikmyndin Órói eftir Baldvin Z hlaut Don Quixote verðlaunin á kvikmyndahátðinni í Kristiansand, sem fram fór dagana 3. – 7. maí í Noregi. Don Quixote verðlaunin eru veitt fyrir bestu kvikmyndina í flokknum „Ungt fólk“ (Youth section).

Tvær íslenskar kvikmyndir hafa verið valdar í keppni á alþjóðlegu kvikmyndahátíðina í Transilvaníu. Um er að ræða kvikmyndirnar Kóngaveg eftir Valdísi Óskarsdóttur og Eldfjall eftir Rúnar Rúnarsson, sem verður frumsýnd á kvikmyndahátíðinni í Cannes núna í maí.

Lesa meira

Samtök skapandi greina, SSG, voru formlega stofnuð þriðjudaginn 3. maí. Að samtökunum standa allar kynningarmiðstöðvar lista og skapandi greina á Íslandi og samtök í hverri grein. Þau samtök, sem eru bakhjarlar kynningarmiðstöðva, mynda breiðustu fylkingu fagfólks í skapandi greinum í landinu. 

Lesa meira

Twelve for the Future er vinnustofa fyrir unga, norræna framleiðendur og leikstjóra sem hyggja á erlenda samframleiðslu heimildamynda. Á vinnustofunni verður einblínt á þróun alþjóðlegra samframleiðsluverkefna, eflingu tengslanets og að koma á sambandi á milli kvikmyndagerðarmanna og fjárfesta.

Tómas Lemarquis fer með stórt hlutverk í indversku kvikmyndinni Chatrak sem valin var á Quinzaine des Réalisateurs (Directors‘ Fortnight) á kvikmyndahátíðinni í Cannes. Tómas er ekki eini fulltrúi Íslands í þessum virta flokki, en eins og tilkynnt var á dögunum þá verður kvikmynd Rúnars Rúnarssonar, Eldjall, einnig sýnd á Quinzaine des Réalisateurs. Kvikmyndahátíðin í Cannes fer fram 11. - 21. maí.

Skýrsla um kortlagningu hagrænna áhrifa skapandi greina verður kynnt á málstofu í Háskóla Íslands þriðjudaginn 3. maí kl. 12:00. Höfundar skýrslunnar eru Margrét Sigrún Sigurðardóttir lektor við Viðskiptafræðideild Háskóla Íslands og Tómas Young rannsakandi.

Eldfjall, fyrsta kvikmynd Rúnars Rúnarssonar í fullri lengd, verður frumsýnd á kvikmyndahátíðinni í Cannes 13. maí. Eldfjall verður sýnd í flokknum Quinzaine des Réalisateurs (Directors' Fortnight) og er í keppni um Camera d´Or verðlaunin, en þau eru veitt fyrir bestu fyrstu kvikmynd leikstjóra.

Lesa meira

Skjaldborg, hátíð íslenskra heimildamynda, verður haldin í fimmta sinn á Patreksfirði um hvítasunnuhelgina, 10. – 12. júní. Umsóknarfrestur til að senda inn mynd á hátíðina er til 10. maí.

Lesa meira

Alþjóðlega stuttmyndahátíðin Cortiandcigarettes í Róm hefur í ár sérstakan flokk kallaðan “Scandinavian short” sem leggur áherslu á stuttmyndir frá löndum norður Evrópu og sér í lagi myndir frá Íslandi og Noregi.

Lesa meira

Dagana 5. – 9. júní fer fram vinnustofa í Árhúsum í Danmörku um dreifingu myndefnis í stafrænum miðlum. Vinnustofan miðar að því að auka þekkingu framleiðenda og dreifingaraðila á stafrænni dreifingu og kynna þá möguleika sem í henni felast. Það er engin dagsetning á umsóknarfrestinum, heldur miðast hann við sætaframboð og lýkur þegar tilteknum fjölda er náð.

Lesa meira

Umsóknarfrestur til að sækja um þátttöku á vinnustofunni Inside Pictures rennur út þann 4. apríl. Þetta er í fyrsta skipti sem aðilar utan Bretlands geta sótt um þátttöku. Inside Pictures miðar að því að efla tengslanet framleiðenda og stjórnenda og auka skilning þeirra á hinu alþjóðlega umhverfi sem kvikmyndaiðnaðurinn þrífst í.

Kvikmyndastofnanir Norðurlandanna, Norræni kvikmynda- og sjónvarpssjóðurinn og Evrópski kvikmyndaskólinn (European Film College) standa fyrir þriggja daga vinnustofu fyrir upprennandi kvikmyndagerðarmenn á Norðurlöndunum. Vinnustofan fer fram í Danmörku dagana 8. – 11. júní 2011. Umsóknarfrestur rennur út þann 7. apríl 2011.

Lesa meira

Búið er að opna fyrir umsóknir á Nordic Youth Film Competion sem fram fer á Nordic Youth Film Festival (NUFF) í Noregi dagana 11. – 19. júní 2011. Umsóknarfrestur rennur út þann 1. apríl 2011.

Umóknarfrestur um þátttöku á vinnustofu á vegum Trans Atlantic Partners rennur út þann 22. mars. Vinnustofan miðar að þjálfun evrópska og norður-amerískra framleiðenda og eflingu tengslanets þeirra á milli. Vinnustofan mun fara fram í þremur hlutum í Berlín, Halifax og New York.

Vinnustofa á vegum Power to the Pixel, Pixel Lab, mun fara fram í annað sinn dagana 26. júní til 2. júlí í Potsdam í Þýskalandi. Markmið Pixel Lab er að aðstoða fagfólk í kvikmynda– og fjölmiðlageiranum í að aðlagast og finna tækifæri í hinu síbreytilega, stafræna starfsumhverfi. Í ár verður lögð sérstök áhersla á gerð efnis sem hægt er að dreifa í gegnum mismunandi miðla. Umóknarfrestur rennur út 1. apríl 2011.

Lesa meira