Íslenskar kvikmyndir á hátíðum erlendis

Hvernig Kvikmyndamiðstöð vinnur með framleiðendum að samskiptum við alþjóðlegar kvikmyndahátíðir.

Á hverju ári eru fjöldi íslenskra kvikmynda valdar sérstaklega til þátttöku á hundruðum kvikmyndahátíða um veröld víða. Í öllum tilfellum er um listrænt val aðstandenda hátíðanna að ræða.

Hér að ofan má finna yfirlit yfir hátíðaþátttöku íslenskra kvikmynda og kvikmyndafókusa eftir árum.

Kvikmyndamiðstöð ræktar tengsl við helstu kvikmyndahátíðir og kvikmyndastofnanir víðs vegar um heim og vinnur með íslenskum framleiðendum að ýmiskonar samskiptum við þær, þar á meðal umsóknum. Stuðst er við flokkun alþjóðlegra samtaka kvikmyndaframleiðenda (International Federation of Film Producers Association - FIAPF) á kvikmyndahátíðum.  

Ár hvert stendur KMÍ einnig, í samvinnu við ýmsar erlendar stofnanir og kvikmyndahátíðir, fyrir nokkrum kvikmyndafókusum. Kvikmyndafókusarnir gera íslenskum kvikmyndum hátt undir höfði og stuðla þannig að kynningu á íslenskri menningu í ólíkum löndum.

Auk þessara lykilhátíða eru þúsundir annarra hátíða haldnar árlega um veröld víða. Almennt annast framleiðendur sjálfir samskipti við þær.

Á Wikipedia má finna ítarlegan (en þó ekki tæmandi) lista yfir kvikmyndahátiðir heimsins, skipt eftir heimsálfum.