Verk í vinnslu

Heimildamyndir

Á móti straumnum

Óskar Páll Sveinsson

Transkonan Veiga Grétarsdóttir siglir á kayak í kringum Ísland rangsælis eða á móti straumnum í þrjá mánuði. Myndin er
táknræn og segir samtímis frá ferðinni í kynleiðréttingarferlinu og svo frá ferðinni á róðrinum á kajak þar sem glímt er við
náttúruna um hvor hefur betur. Myndin lýsir innri baráttu Veigu um líf eða dauða hvort sem er í lífinu sjálfu eða ein úti á
kajak.

Lesa meira

Aftur heim?

Dögg Mósesdóttir

Móðir kannar sögu heimafæðinga á Íslandi en kemst fljótt að því að hún hefur valið sér eldfimt viðfangsefni á miklum umbrotatímum í íslensku heilbrigðiskerfi sem vekur upp  spurningar um stöðu ljósmæðra í fæðingum og rétt kvenna yfir eigin líkama í fæðingarferlinu. 

Lesa meira

Band: This is Not a Band

Álfrún Örnólfsdóttir

Meiksaga hljómsveitar sem á líklega ekki eftir að meika það og er í raun ekki hljómsveit

Lesa meira

Baðstofan

Nicos Argillet

Heimildarmynd og þáttarröð þar sem við fylgjum textíllistakonunni Tinnu, er hún leitar að rótum þeirra hannyrða sem við þekkum í dag. Með aðstoð sérfræðinga uppgötvar hún að nútímalist er sköpuð með sömu tækni og aldagamlar hannyrðir og sýnir okkur þær gersemar sem við eigum í okkar aldagamla handverki.

Lesa meira

Bitcoin Bandítarnir

Sigurjón Sighvatsson

Stærsta og undarlegasta rán Íslandssögunnar var framið af fimm æskuvinum 2017 og 2018, þar sem hundruðum milljóna virði af Bitcoin tölvum var stolið. Þótt sökudólgarnir hafi náðst er mörgum spurningum enn ósvarað.

Lesa meira

Bóndinn og Verksmiðjan

Barði Guðmundsson

Hross í Hvalfirði veikjast af óþekktum sjúkdómi. Bóndinn er tilneyddur til að slátra gripunum og eftir krufningu kemur í ljós fjórfalt magn flúors í beinum og tönnum hestanna. Eini uppruni flúors er frá álverksmiðju skammt frá. Bóndinn tekst á við stóriðjuna, yfirvöld og nágranna sína til að komast að hinu sanna í málinu. 

Lesa meira
Bride of Christ

Brúður Krists

Rakel Garðarsdóttir, Ágústa M. Ólafsdóttir

Einstök heimildamynd um líf og hugarheim stúlkna sem loka sig ævilangt bak við rimla Karmelklaustursins.

Lesa meira

Cirkusdirektören

Titti Johnson, Helgi Felixson

Þegar hún gat ekki bjargað pabba sínum, vildi hún bjarga heiminum.

Lesa meira

Ef veggirnir hefðu eyru....?

Sveinn M. Sveinsson, Helga Guðrún Johnson

Um er að ræða gerð 52 mínútna heimildamyndar um afar merka sögu Hegningarhússins við Skólavörðustíg 9, sem byggt var sérstaklega sem fangelsi 1872 og er eitt elsta steinhús landsins.

Á efri hæð byggingarinnar voru höfuðstöðvar lögreglu, bæjarþingstofa Reykjavíkur og aðsetur Landsyfirréttar og síðar Hæstaréttar frá 1920 - 1949.  Þar var einnig heimili fangavarða. Framsetning efnis verður hæfileg blanda af þulartexta og sögur af atburðum í frásögn fólks af báðum kynjum sem til þekkja og hafa tengst húsinu á ýmsa vegu; fanga, fangavarða, sagnfæðinga, dómara, embættismanna, aðstandenda o.fl.  Fléttað verður inn þróun dómsmála;lögbrota og refsinga á Íslandi í gegnum tíðina. Það er einstakt að starfandi fangelsi skuli hafa þrifist í miðjum höfuðstað landsins mitt á milli verslana, veitingastaða og skemmtistaða bæjarins í öll þessi ár.

Lesa meira
Ekki einleikið

Ekki einleikið

Ásthildur Kjartansdóttir

Ekki einleikið er tragikómísk heimildamynd um hina æðislegu Ednu Lupitu og leikhópinn hennar sem afhjúpar hvernig hægt er að lifa eðlilegu spennandi og innihaldsríku lífi þrátt fyrir að vera á barmi sjálfsmorðs.

Lesa meira

Eldhugarnir

Valdimar Leifsson

Eldhugarnir fjallar um baráttu manna við jarðeldana á Heimaey árið 1973. Rauði þráðurinn er fólkið sem lagði sig í hættu við að dæla sjó á flæðandi hraunið til að bjarga m.a. lífæð eyjarinnar, höfninni, og hluta byggðarinnar. Þetta björgunarafrek var einstakt og hefur ekki verið endurtekið.

Lesa meira

Föðurland

Sævar Guðmundsson, Kreshnik Jonuzi

Eftir að hafa búið í Bandríkjunum í átján ár þá er 21 árs gömlum Mikel vísað úr landi. Þetta er í fyrsta skipti síðan hann var þriggja ára sem hann fer út fyrir heimalandið. Hann þarf núna að aðlagast nýjum stað í Albaníu, þar sem hann fæddist. Á meðan hann reynir að komast til baka verður hann ástfanginn af stúlku sem fær hann til að hugsa sig um hvar hann vilji í raun vera.

Lesa meira

Full Steam Ahead (áður Lonely at the top)

Gréta Ólafsdóttir og Susan Musk

Different generations of women give us rare insights into thei world and what it takes be able to grow and work within the geothermal industry, a male-dominated field. Successive generations of women share their struggles and successes, and the changes that have taken place in the workplace over the years.

Lesa meira

GÓÐI HIRÐIRINN

Helga Rakel Rafnsdóttir

Á túninu hans Bjössa má telja hátt í 500 ógangfæra bíla sem hann hefur safnað saman síðustu árin. Hvenær er komið nóg? Hvenær er Bjössi farinn að angra nágranna sína með bílunum sínum?

Lesa meira

Hvunndagshetjur

Magnea B. Valdimarsdóttir

Zineta, Ebru, Karolina og Maria Victoria búa á Íslandi. Þær eru fæddar í fjórum mjög ólíkum löndum en mismunandi ástæður eru að baki komu þeirra hingað til lands. Með traustu sambandi leikstjóra við konurnar, opna þær hjarta sitt um það hvernig er að vera erlend kona á Íslandi. Allar hafa sína sögu að segja en þær eiga það sameiginlegt að hafa orðið fyrir misrétti og fordómum hver á sinn hátt. 

Lesa meira

Hækkum rána

Guðjón Ragnarsson

Þetta er saga um stúlkur sem búa sig undir að taka yfir heiminn. Þær eru 9-11 ára gamlar en hafa sett markmiðið á það að brjóta niður menningarmúra íþróttahreyfingarinnar. Til þess að gera það þurfa þær að búa yfir mikilli tilfinningagreind og yfirburða styrk. Leiðtogi þeirra er óvenjulegur og hækkar í sífellu rána

Lesa meira

K2 - Ferð til himna

Kári G. Schram

Ferð á hæsta tind óvissunnar þar sem dauðinn bíður við hvert fótmál. Kvikmyndin fangar þá mannraun, hættur, fegurð og drauma sem slík ferð ber í skauti sér. Ferðalag sálar, líkama og þreks til að ná því einstaka afreki að klífa erfiðasta fjall heims K2 er mannraun sem ekki er hægt að taka af léttúð eða án íhugunar. 

Lesa meira

Kvikmyndasaga

Ásgrímur Sverrisson

Saga íslenskrar kvikmyndagerðar frá upphafi til okkar daga. Sögð að miklu leyti af þeim sem gerðu myndirnar og sýnt úr myndunum í bland við tíðarandann.

Lesa meira

Kviksyndi

Annetta Ragnarsdóttir

Kviksyndi er heimildarmynd um millistéttina á Íslandi. Staða hennar í nútíma þjóðfélagi og og þá staðreynd að stór hluti hennar nær ekki endum saman þrátt fyrir 100% vinnu og oft á tíðum mikla menntun.

Lesa meira

Lasikatto

Mari Soppela

Glerþakið lyftir hulunni af hinum háþróaða iðnaðarvædda heimi þar sem konur eru enn að berjast við óskrifaðar reglur og þær breytingar sem eru vinnandi karlmönnum í hag. Heimildarmyndin fylgist með konum í mismunandi vinnum, stöðum og löndum. Þær hafa allar það markmið að brjótast í gegnum sitt persónulega glerþak.

Lesa meira

Leikur

Þórunn Hafstað

Heimildamyndin Leikur er könnunaleiðangur inn í heim leiksins. Þar er blákaldur hversdagsleikinn litríkur, tilgangsleysið hið göfugasta markmið, áhættu gert hátt undir höfði og öllu taumhaldi sleppt af ímyndunaraflinu. Leiksvið myndarinnar er daglegt líf á einstökum leikskóla sem loka á vegna niðurskurðar og er myndinni ætlað að undirstrika mikilvægi leiksins í samfélagi hraða, skilvirkni, rökhugsunnar og öryggisstaðla.

Lesa meira

Leyndarmálið

Björn B. Björnsson

Níræður frímerkjakaupmaður segir frá gömlu leyndarmáli og setur af stað rannsókn sem beinist að því að finna manninn sem seldi eitt dýrasta umslag heims frá Íslandi árið 1972.

Lesa meira

Litla Afríka

Hanna Björk Valsdóttir

Sjóðheit Afríka og ískalt Ísland mætast í Kramhúsinu. Trommarar og dansarar frá Gíneu kenna íslenskum dönsurum að hreyfa sig í gegnum rytmann og taktinn í afrísku trommunum þeirra. Hvers vegna að dansa afríska dansa á kaldasta hjara veraldar?

Lesa meira

Megas

Sigurþór Hallbjörnsson

Megas, einn umdeildasti listamaður Íslendinga, hefur alla tíð gengið á jarpsprengjusvæði í góðri trú. 

Lesa meira

Menningarborgin

Heiðar Mar Björnsson

Stutt tilraunakennd heimildamynd um borgar- og menningarlíf á Íslandií byrjun tuttugustu aldar þegar kvikmyndagerð var að hefjast á landinu samhliða örum vexti borgarinnar.

Lesa meira

Milli fjalls og fjöru

Ádís Thoroddsen

Milli fjalls og fjöru segir frá skógum Íslands, skógeyðingu og skógrækt. Frásögnin hefst á míósen-tíma þegar surtarbrandslögin mynduðust og endar á framtíðarhorfum, en skógrækt er nauðsynlegur þáttur í að forðast hamfarahlýnun. Sögumenn eru vísindamenn, fræðimenn og bændur. 

Lesa meira

Móðir mín ríkið

Ieva Ozolina

Una var aðskilin frá systur sinni þegar hún var ættleidd af munaðarleysingjahæli 3 ára gömul. Síðan þá hefur það verið draumur Unu að hitta systur sína aftur, en síðustu 30 árin hefur systirin aðeins verið til í minningum Unu. Síðan einn daginn, lifnaði hún við. Myndin er eins og pússluspil sem hefur verið búið til af óhamingjusömum foreldrum og kerfinu. Pússluspil sem Una reynir að leysa.

Lesa meira

Síðasta verk Gunnar

Mathias Skaarup Schmidt

Heimildamynd um fjölskyldubönd, arfleifð og íslenska hönnun.

Lesa meira

Sólveig mín

Karna Sigurðardóttir, Clara Lemaire Anspach

Náinn innsýn í líf og verk kvikmyndagerðarkonunnar Sólveigar Anspach.

Lesa meira

Sundlaugar á Íslandi

Jón Karl Helgason

Sundlaugar á Ísandi gegna stóru hlutverki. Laugin og potturinn eru mikilvægir “samkomustaðir”, en hlutverk þeirra er allt í senn; Lífsgæði, íþróttir, leikur, afslöppun, skemmtun og samneyti. Kúltúrinn í laugunum hefur þróast í rúm hundrað ár og er einstakur á heimsvísu.

Lesa meira

The Amazing Truth About Daddy Green (áður Towtruck)

Olaf de Fleur

Darryl Francis was wrongfully accused and convicted as an accessory to murder in Los Angeles when he was a teenager. During the two decades he spent in prison, he discovered the power of creative writing and humor to cope with life behind bars. Director Olaf de Fleur plays with the line between fiction and reality, the same method that won him a Teddy Award at the 2008 Berlinale.

Lesa meira

Togolísa ( áður: Stelpur rokka í Tógó)

Alda Lóa Leifsdóttir

Mynd um þrjár kynslóðir kvenna í Stelpur rokka-búðum í Tógó. Rokkbúðastýrur á fertugsaldri, Romaine bassaleikari á þrítugsaldri og fimm táningsstelpur. Þrjár kynslóðir kvenna hver með sinn skilning á lífinu og tónlist vinna saman í fimm daga í rokkbúðum

Lesa meira

Út úr myrkrinu

Titti Johnson, Helgi Felixson

Talið er að 5 – 600 sjálfsvígstilraunir séu gerðar árlega á Íslandi. 40 – 50 manns tekst að taka sitt eigið líf. Takmarkið með þessari mynd e að vekja umræðu á efni sem hefur ríkt þöggun í kringum til fjölda ára.

Lesa meira

Vegur 75 um Tröllaskarð

Árni Gunnarsson

Árið 1978 samdi Vegagerðin við “anda” úr fortíðinni um að hætta við að sprengja upp kletta í Tröllaskarði. Hvers vegna og hverjar urðu afleiðingarnar?

Lesa meira