Myndin fjallar um tvo bræður, 14 og 16 ára, sem kallaðir eru á fund ömmu sinnar. Hún lýsir yfir áhyggjum af eldri systur þeirra sem er komin á kafi í eiturlyf og ofbeldissamband. 
Amman kennir kærasta systur þeirra um ófarirnar og sér bara eitt í stöðunni, það að koma kærastanum fyrir kattarnef. 

Íbúum í blokk er fylgt í einn dag. Glíman við hversdagsleikann er misjöfn og ljóst að vaninn litar líf þeirra (og rödd). Þetta er óður til vanans og fjötranna sem fylgja. 
Gamansöm teiknimynd með dramatískum undirtón.

Íslensk þjóðsaga rennur saman við veruleika feðginna og sameinar þau í söknuði.

Jón er metnaðargjarn 17 ára piltur sem hjálpar fjölskyldufyrirtækinu með því að vinna næturvaktir í pylsuvagni í miðbæ Reykjavíkur. Viðskiptavinirnir sem fylgja næturlífinu geta verið ansi litríkir. Undir lok vaktarinnar biður ókunnugur maður um far hjá Jóni. Ókunnugi maðurinn virðist tiltölulega meinlaus.

Gríma er nýkjörin fegursta kona landsins, Ungfrú Ísland, og virðist vera með allt sitt á hreinu. En þegar Gríma gerir afdrifarík mistök, þarf hún að líta í spegilinn og ákveða hvaða manneskja hún er í raun og veru.