Staðreyndir og tölur

Nokkrar lykiltölur

Á þessu yfirliti undanfarinna ára sést að bandarískar myndir hafa ráðandi stöðu á íslenskum kvikmyndamarkaði. Hlutdeild þeirra er að jafnaði um 85-90% en getur þó sveiflast í báðar áttir eftir árum. 

Um leið eru bandarískar myndir meirihluti þeirra mynda sem sýndar eru hér, en innlendar kvikmyndahátíðir og kvikmyndahús sem leggja áherslu á listrænar kvikmyndir hafa þó aukið mjög framboð annarra kvikmynda á undanförnum árum. 

Hlutdeild íslenskra mynda kann að virðast lítil í þessum samanburði en hafa ber tvennt í huga; íslenskur kvikmyndahúsamarkaður er hlutfallslega mjög stór (seldir miðar á íbúa eru hér gjarnan á milli 4-5, meðan sama hlutfall í Evrópu er í kringum 2 á mann) og meðalaðsókn á íslenskar kvikmyndir er mjög há, tæp 5% þjóðarinnar sjá íslenska mynd að jafnaði sem er um helmingi hærra hlutfall en til dæmis heimamyndir á hinum Norðurlöndunum. 

   2016  2015  2014
Íslenskar kvikmyndir frumsýndar í kvikmyndahúsum  4  8  8
Íslenskar heimildamyndir frumsýndar í kvikmyndahúsum  10  8  n/a
Kvikmyndahús  15 15 15
Kvikmyndahús með stafrænum búnaði  14 14 14
Kvikmyndasalir  40 40 40
Kvikmyndasalir með stafrænum búnaði  39 39 39
Kvikmyndasalir með 3D búnaði  30 30 30
Sæti í kvikmyndahúsum  6.799 6.799 6.799
Meðal miðaverð án vsk. 892,5 kr. 842 kr. 829 kr.
Meðal miðaverð með vsk. 1.190 kr. 1.123 kr. 1105 kr.
Seldir miðar (heild)  1.420.503 1.382.494 1.344.569
Seldir miðar á hvern íbúa  4,3 4,2 4,1
Seldir miðar á íslenskar myndir

91.221

61.847 148.146
Tekjur (heild)

1.689.783.655 kr.

1.551.569.621 kr. 1.485.618.475 kr.
Tekjur íslenskra mynda 111.521.594 kr. 73.824.318 kr. 196.952.859 kr.
Tekjur bandarískra mynda 1.527.995.946 kr. 1.334.446.458 kr. 1.247.598.640 kr.
Tekjur evrópskra mynda

49.033.245 kr.

136.295.356 kr. 41.066.976 kr.
Tekjur annarra mynda 1.232.870 kr. 7.003.489 kr. 0 kr.
Markaðshlutdeild íslenskra mynda 6,6% 4,8% 13,3%
Markaðshlutdeild bandarískra mynda 90,4% 86% 84%
Markaðshlutdeild evrópskra mynda 2,9% 8,7% 2,7%
Markaðshlutdeild annarra mynda 0,1% 0,5% 0%