Nordisk Panorama er norræn kvikmyndahátíð sem ferðast á ári hverju á milli Reykjavíkur, Bergen í Noregi, Árósa í Danmörku, Oulu í Finnlandi og Malmö í Svíþjóð. Hátíðin býður gestum sínum upp á það áhugaverðasta hverju sinni í norrænni stuttmynda- og heimildamyndagerð.

Nánari upplýsingar um hátíðina má nálgast á www.nordiskpanorama.com

Kvikmyndahátíð sem miðar að því að kynna það nýjasta í stuttmynda- og heimildamyndagerð frá Íslandi og heiminum öllum. Á hátíðinni og atburðum tengdum henni geta íslenskir kvikmyndagerðarmenn sótt þekkingu og upplyftingu auk þess sem almenningi gefst tækifæri til að sjá úrval góðra mynda.

Nánari upplýsingar má finna á www.shortsdocsfest.com

700IS Hreindýraland er árleg kvikmyndahátíð sem haldin er á Austurlandi og sýnir tilraunakenndar kvikmyndir og myndbandsverk. Hátíðin hefur vakið mikla athygli og kynnt nýjum áhorfendahópum framúrstefnulega kvikmyndagerð.

Nánari upplýsingar um hátíðina má finna á vefsíðunni www.700.is

Stuttmyndadagar í Reykjavík hófu göngu sína árið 1992 og hafa síðan notið mikilla vinsælda, einkum meðal ungs fólks og þeirra sem eru að stíga sín fyrstu skref í kvikmyndagerð. Á hátíðinni er keppt um bestu íslensku stuttmynd ársins.

Nánari upplýsingar má finna á vefsíðunni www.stuttmyndadagar.is

Skjaldborgarhátiðin leggur sig fram við að sýna heimildamyndir sem annars kæmu aldrei fyrir augu almennings og ber jafna virðingu fyrir hinu stóra, smáa, skrýtna og ódýra. Dagskrána hafa skipað bæði örstuttar myndir og upp í fulla lengd og hafa efnistökin verið fjölbreytt.

Nánari upplýsingar má finna á vefsíðunni www.skjaldborgfilmfest.com

Markmið hátíðarinnar er að endurheimta viðurkenningu á kvikmyndagerð sem listgrein og kvikmyndagerðarmönnum sem listamönnum. Einnig vilja skipuleggjendur hátíðarinnar koma á tengslum á milli kvikmyndagerðarmanna sem eru að stíga sín fyrstu skref og þeirra sem meiri reynslu hafa.

Nánari upplýsingar um hátíðina má finna á vefsíðunni

www.northernwavefestival.com