Á ferð með mömmu sigursælasta kvikmyndin á Eddunni
Kvikmyndin Á ferð með mömmu hlaut flestar Eddur á verðlaunahátíð Íslensku kvikmynda- og sjónvarpsakademíunnar, sem fram fór laugardaginn 13. apríl.
Hátíðin í ár markaði þáttaskil þar sem hún var sú fyrsta eftir að kvikmynda- og sjónvarpsverðlaununum var skipt upp. Sjónvarpsverðlaunin verða veitt í haust.
Á ferð með mömmu hlaut alls 9 verðlaun á hátíðinni og var meðal annars valin kvikmynd ársins. Hilmar Oddsson hlaut verðlaun fyrir leikstjórn og handrit og hlutu bæði Þröstur Leó Gunnarsson og Kristbjörg Kjeld verðlaun fyrir leik í aðalhlutverkum.
Kvikmyndin Villibráð hlaut 3 Eddur. Nína Dögg Filippusdóttir og Björn Hlynur Haraldsson fengu verðlaun fyrir leik í aukahlutverkum og Heimir Sverrisson fékk verðlaun fyrir leikmynd ársins.
Heiðursverðlaun hlaut Sigurður Sverrir Pálsson, kvikmyndatökustjóri, fyrir mikilvægt framlag sitt til íslenskrar kvikmyndagerðar.
Tvenn ný verðlaun voru veitt í ár, fyrir erlenda mynd ársins og uppgötvun ársins en þau eru veitt einstaklingi sem ekki hefur hlotið tilnefningu áður í viðkomandi fagverðlaunaflokki en hefur vakið sérstaka athygli fyrir framúrskarandi framlag á árinu. Anatomy of a Fall hlaut fyrrnefndu verðlaunin og uppgötvun ársins var Anna Karín Lárusdóttir.
Gunnur Martinsdóttir Schlüter, leikstjóri stuttmyndarinnar Fár, hlaut Evu Maríu Daniels verðlaunin. Verðlaunin eru veitt í tengslum við kvikmyndahátíðina Stockfish en stofnað var til þeirra til að heiðra minningu Evu Maríu Daniels, kvikmyndaframleiðanda. Verðlaunin eru veitt framleiðanda eða leikstjóra sem skarar fram úr á sínu sviði. Eiginmaður Evu Maríu, Moritz Diller, og sonur þeirra, afhentu verðlaunin.
Hér fyrir neðan má sjá lista yfir tilnefningar, verðlaunahafar feitletraðir:
Barna- og unglingamynd ársins
Konni
Sætur (Felt Cute)
Þið kannist við…
Erlend kvikmynd ársins
Anatomy of a Fall (Fallið er hátt)
Fallen Leaves
Killers of the Flower Moon
Oppenheimer
Past Lives
Heimildamynd ársins
Heimaleikurinn
Skuld
Smoke Sauna Sisterhood
Heimildastuttmynd ársins
Konni
Super Soldier
Uppskrift: lífið eftir dauðann
Kvikmynd ársins
Á ferð með mömmu
Tilverur
Villibráð
Stuttmynd ársins
Dunhagi 11
Sorg etur hjarta
Sætur (Felt Cute)
Brellur ársins
Davíð Jón Ögmundsson, Dragos Vilcu, Árni Gestur Sigfússon og Rob Tasker fyrir Napóleonsskjölin
Jean-Michel Boublil, Jörundur Rafn Arnarson fyrir Northern Comfort
Atli Þór Einarsson fyrir Óráð
Búningar ársins
Helga Rós V. Hannam fyrir Á ferð með mömmu
Helga Rós V. Hannam fyrir Kulda
Arndís Ey fyrir Tilverur
Gervi ársins
Kristín Júlla Kristjánsdóttir fyrir Á ferð með mömmu
Kristín Júlla Kristjánsdóttir fyrir Kulda
Guðbjörg Huldís Kristinsdóttir fyrir Villibráð
Handrit ársins
Hilmar Oddsson fyrir Á ferð með mömmu
Erlingur Óttar Thoroddsen fyrir Kulda
Tyrfingur Tyrfingsson og Elsa María Jakobsdóttir fyrir Villibráð
Hljóð ársins
Matis Rei fyrir Á ferð með mömmu
Björn Viktorsson fyrir Northern Comfort
Huldar Freyr Arnarson fyrir Smoke Sauna Sisterhood
Klipping ársins
Gunnar B. Guðbjörnsson og Kristján Loðmfjörð fyrir Napóleonsskjölin
Hendrik Mägar fyrir Smoke Sauna Sisterhood
Ivor Šonje fyrir Tilverur
Kvikmyndataka ársins
Óttar Guðnason fyrir Á ferð með mömmu
Árni Filippusson fyrir Napóleonsskjölin
Ants Tammik fyrir Smoke Sauna Sisterhood
Leikari ársins í aðalhlutverki
Þröstur Leó Gunnarsson fyrir Á ferð með mömmu
Þröstur Leó Gunnarsson fyrir Tilverur
Gísli Örn Garðarsson fyrir Villibráð
Leikari ársins í aukahlutverki
Ólafur Darri Ólafsson fyrir Napóleonsskjölin
Hilmir Snær Guðnason fyrir Villibráð
Björn Hlynur Haraldsson fyrir Villibráð
Leikkona ársins í aðalhlutverki
Kristbjörg Kjeld fyrir Á ferð með mömmu
Elín Hall fyrir Kulda
Vivian Ólafsdóttir fyrir Napóleonsskjölin
Leikkona ársins í aukahlutverki
Halldóra Geirharðsdóttir fyrir Kulda
Selma Björnsdóttir fyrir Kulda
Nína Dögg Filippusdóttir fyrir Villibráð
Leikmynd ársins
Heimir Sverrisson fyrir Napóleonsskjölin
Hulda Helgadóttir, Eggert Ketilsson fyrir Northern Comfort
Heimir Sverrisson fyrir Villibráð
Leikstjóri ársins
Hilmar Oddsson fyrir Á ferð með mömmu
Anna Hints fyrir Smoke Sauna Sisterhood
Elsa María Jakobsdóttir fyrir Villibráð
Tónlist ársins
Tönu Kõrvits fyrir Á ferð með mömmu
Daníel Bjarnason fyrir Northern Comfort
Eðvarð Egilsson fyrir Smoke Sauna Sisterhood
Uppgötvun ársins
Anna Karín Lárusdóttir
Heiðursverðlaun
Sigurður Sverrir Pálsson kvikmyndatökustjóri fyrir einstakt framlag sitt til íslenskrar kvikmyndalistar.