Búi valin besta stuttmyndin á SCHLINGEL kvikmyndahátíðinni

Búi, stuttmynd Ingu Lísu Middleton, var valin besta stuttmyndin á SCHLINGEL kvikmyndahátíðinni fyrir börn og unglinga. Hátíðin fór fram í Chemnitz í Þýskalandi. Þetta eru fyrstu verðlaunin sem myndin hlýtur.

Inga Lísa Middleton (Ævintýri á okkar tímum) leikstýrir og skrifar handritið að Búa. Myndin er framleidd af Skúla Fr. Malmquist fyrir Zik Zak kvikmyndir og skartar þeim Önju Sæberg, Hönnu Maríu Karlsdóttur, Nönnu Kristínu Magnúsdóttur og Bjarna Kristbjörnssyni í aðalhlutverkum.

Búi fjallar um Önnu, níu ára stelpu sem flytur í nýtt hverfi og er utangátta þar. Hún kynnist Búa sem hvetur hana til að drýgja hetjudáð til að sýna krökkunum í hverfinu hvað í henni býr. Fljótlega kemur þó í ljós að Búi er ekki allur þar sem hann er séður.