Á döfinni
Ólafur Arnalds tilnefndur til Emmy-verðlauna
Tónlistarmaðurinn Ólafur Arnalds hefur verið tilnefndur til Emmy-verðlauna fyrir þemalagið í sjónvarpsþáttaröðinni Defending Jacob. Lag hans er eitt sex laga sem tilnefnd eru í flokki frumsaminna titillaga. Þá samdi Atli Örvarsson aðra tónlist í þáttaröðinni sem er leikstýrt af Morten Tyldum.
Ólafur á farsælan feril að baki, en hann hefur gefið út átta hljómplötur og samið tónlist fyrir bæði kvikmyndir og sjónvarp. Árið 2014 hlaut Ólafur BAFTA-verðlaun fyrir frumsamda tónlist í sjónvarpsþáttunum Broadchurch.
Til stendur að Emmy-verðlaunin verði veitt þann 20. september næstkomandi en ekki hefur verið tekin ákvörðun um snið hátíðarinnar vegna kórónuveirufaraldursins.