RVK Feminist Film Festival óskar eftir umsóknum
Þann 16. til 19. janúar 2020 mun ný alþjóðleg kvikmyndahátíð - RVK Feminist Film Festval – líta dagsins ljós. Hátíðin verður haldin í Bíó Paradís og Icelandair Hótel Reykjavík Marina.
Hátíðin óskar eftir umsóknum í stuttmyndakeppni hátíðarinnar „Systir“
Stuttmyndirnar verða að vera leikstýrðar af konum og þær mega ekki fara yfir 30 mín.
Hægt er að senda inn myndir í gegnum Filmfreeway síðu hátíðarinnar https://filmfreeway.com/RVKFemFilmFest
Stuttmyndasamkeppni hátíðarinnar – „Systir“ veitir verðlaun fyrir bestu erlendu stuttmyndina og bestu íslensku stuttmyndina.
RVK Feminist Film Festival er kvikmyndahátíð fyrir alla. Boðskapur hátíðarinnar er einfaldur; jafna kynjahalla þegar kemur að leikstjórn kvikmynda og því verða einungis sýndar kvikmyndir eftir kvenleikstýrur. Hátíðin á að skapa rými fyrir konur í kvikmyndabransanum til að tengjast, hvetja til umræðna og samvinnu og koma kvikmyndum eftir kvenleikstjóra meira á framfæri.
Nánari upplýsingar má finna á heimasíðu hátíðarinnar http://rvkfemfilmfest.is/
Netfang: rfff@rvkfemfilmfest.is