Framlög til Kvikmyndamiðstöðvar árið 2017

Fjárlög fyrir árið 2017 hafa verið samþykkt á Alþingi.

Kvikmyndasjóður

Framlag til Kvikmyndasjóðs hækkar um 70 m.kr. frá fyrra ári í samræmi við samkomulag um stefnumörkun fyrir íslenska kvikmyndagerð milli stjórnvalda og hagsmunaaðila. Það er sama hækkun í krónutölu og milli áranna 2015 og 2016.

Í töflu 1 er að finna yfirlit yfir þróun framlags til Kvikmyndasjóðs síðustu fimm ár.

Tafla 1: Framlag til Kvikmyndasjóðs 2013-2017
					Fjárhæðir í m.kr.
	2013	2014		2015		2016	2017
Framlag til Kvikmyndasjóðs	1.020,0	624,7		774,7		844,7	914,7

Þess ber að geta að hluti fjárveitinga til Kvikmyndasjóðs kemur ekki til úthlutana í formi styrkja. Þar má nefna að sjóðurinn fjármagnar aðild að alþjóðlegu samstarfi og launalið kvikmyndaráðgjafa.

Tafla 2 sýnir áætlaða skiptingu fjárheimilda kvikmyndasjóðs milli sjóðshluta fyrir árin 2017 til 2019 skv. fyrrnefndu samkomulagi og sömu skiptingu fyrir árið 2016 til samanburðar.

Tafla 2: Úthlutun skipt í sjóðshluta skv. samkomulagi um kvikmyndagerð
					Fjárhæðir í m. kr.
	%	2016	2017	2018	2019
Leiknar kvikmyndir	65%	508	552	602	660
Leikið sjónvarpsefni	18%	140	153	167	183
Heimildamyndir	17%	132	145	158	173
Samtals til úthlutunar		780	850	927	1016

Tafla 2 sýnir að fjárhæð úthlutana er áætluð 850 m.kr. árið 2017. Bolmagn Kvikmyndasjóðs til að veita styrki til leikinna kvikmynda eykst því um 44 m.kr. á árinu 2017 miðað við fyrra ár, um 13 m.kr. til leikins sjónvarpsefnis og 13 m.kr. til heimildamynda.

Rétt er að benda á að framsetning fjárlagatók breytingum á árinu 2017. Framlag til Kvikmyndasjóðs er ekki lengur tilgreint og samþykkt sem sjálfstæður liður á fjárlögum sem heyrir undir KMÍ. Í nýrri framsetningu renna fjármunir til Kvikmyndasjóðs úr almennum menningarsjóði mennta- og menningarmálaráðuneytis (tölusettur 18.30 í samþykktum fjárlögum). Ráðstöfun fjármuna til Kvikmyndasjóðs fyrir tímabilið 2017 til 2019 er þó tiltekin í fyrrnefndri stefnumörkun um kvikmyndagerð, sem staðfest er af ráðherrum fjármála og menningarmála.

Rekstur, kynningar og hátíðir

Fjárheimildir KMÍ nema 1.046,5 m.kr. á árinu, sem skiptast á milli rekstrarliðar KMÍ og Kvikmyndasjóðs. Framlag til starfsemi KMÍ hækkar um 7,7 m.kr. og munar þar mestu um áætlaðar launa- og verðlagsbreytingar.

Í töflu 3 er að finna yfirlit yfir þróun fjárheimilda Kvikmyndamiðstöðvar síðustu fimm ár.

Tafla 3: Fjárheimildir Kvikmyndamiðstöðvar Íslands 2013-2017
					Fjárhæðir í m.kr.
02-981 KMÍ	2013	2014		2015		2016	2017
Almennur rekstur
1.01 Kvikmyndamiðstöð Íslands	137,2	131,2		121,7		132,1	139,9
Framlag til rekstrar KMÍ	127,2	120,8		113,9		124,1	131,8
Rekstrarheimild KMÍ samtals	1.147,2	745,5		888,6		968,8	1.046,5

Á árinu munu 131,8 m.kr. fara til starfsemi KMÍ. Kynningarstarf hefur verulegt vægi í starfseminni og þar vega þyngst styrkir til kvikmyndahátíða og aðila sem standa fyrir sýningum menningarlegra kvikmynda á Íslandi en áætlað er að um 30 m.kr. verði varið til þeirra verkefna á árinu. Á árinu fást til kynninga um 15 m.kr., til vinnusmiðna og námskeiða fyrir fagaðila fást um 4 m.kr. og til erlendra aðildargjalda og þátttöku í erlendu samstarfi um íslenska kvikmyndagerð fást um 3 m.kr.

Laun og launatengd gjöld KMÍ eru áætluð um 65 m.kr. á árinu 2017. Eftir standa um 25 m.kr. sem þurfa að mæta rekstri skrifstofu, upplýsingakerfa og öðrum rekstrarkostnaði.