Á döfinni
Atomy hlýtur aðalverðlaun Bosifest
Heimildamyndin Atomy, í leikstjórn Loga Hilmarssonar, var valin besta myndin á kvikmyndahátíðinni Bosifest í Serbíu.
Þetta er í fjórtánda sinn sem hátíðin fer fram, en leiðarljós hennar er að vekja athygli á kvikmyndagerð fatlaðra og framlagi til skapandi greina jafnframt því að stuðla að því að fatlaðir njóti jafnréttis.
Logi Hilmarsson leikstjóri tók á móti verðlaununum.
Verðlaunin voru afhent á lokadegi hátíðarinnar, 18. október. Atomy segir frá Brandi Bryndísarsyni Karlssyni, frumkvöðli og listamanni með lamaða fótleggi og handleggi, sem gengur í gegnum sársaukafullar æfingar skipulagðar af mjög svo óhefðbundnum heilara.
Myndin var frumsýnd á RIFF, alþjóðlegri kvikmyndahátíð í Reykjavík, 2022.