Framlög til Kvikmyndamiðstöðvar árið 2018
Fjárlög 2018 samþykkt á
Alþingi
Fjárlög fyrir árið 2018 hafa verið samþykkt af Alþingi, sem tiltaka fjárheimildir Kvikmyndasjóðs og til starfsemi Kvikmyndamiðstöðvar Íslands (KMÍ) á árinu.
Fjárheimildir Kvikmyndasjóðs nema 994,7 m.kr. á árinu 2018 og hækka um
80 m.kr. frá fyrra ári í samræmi við samkomulag um stefnumörkun fyrir íslenska
kvikmyndagerð frá 2016 til 2019 milli stjórnvalda og hagsmunaaðila, sem
tiltekur bæði fjárveitingar til Kvikmyndasjóðs, skiptingu fjárheimilda í
sjóðshluta og helstu áherslur í starfi KMÍ og sjóðsins.
Tafla 1 sýnir þróun fjárframlaga til Kvikmyndasjóðs frá 2013 til 2018
| Tafla 1: Framlag til Kvikmyndasjóðs 2013-2018 | Fjárhæðir í m.kr. | |||||
| 2013 | 2014 | 2015 | 2016 | 2017 | 2018 | |
| Framlag til Kvikmyndasjóðs | 1.020,0 | 624,7 | 774,7 | 844,7 | 914,7 | 994,7 |
| Breyting f.f.á. | -395,3 | 150 | 70 | 70 | 80 | |
Samkomulag um stefnumörkun fyrir
kvikmyndagerð tilgreinir að úthlutunum Kvikmyndasjóðs skuli skipt milli þriggja
sjóðshluta byggt á tegund kvikmyndaverka með fastri hlutfallsskiptingu. Þar
kemur fram að 65% úthlutana sjóðsins skuli varið til leikinna kvikmynda, 18%
til leikins sjónvarpsefnis og 17% til heimildamynda.
Um 70 m.kr. af fjárheimildum sjóðsins koma ekki til úthlutana í formi styrkja. Þar af eru 40 m.kr. eyrnamerktar mögulegum breytingum vegna endurskoðunar laga o.fl., en þeirri fjárhæð var áður varið til miðastyrkja og endurgerðar á eldri kvikmynda. Þá fjármagnar sjóðurinn aðild að alþjóðlegu samstarfi og sjóðum sem kvikmyndagerðarmenn geta sótt í og launalið kvikmyndaráðgjafa.
Til úthlutunar úr kvikmyndasjóði á árinu 2018 er gert ráð fyrir 924,7 m.kr. sem hækkar um 80 m.kr. frá fyrra ári til samræmis við hækkun fjárheimilda.
Tafla 2 sýnir skiptingu þess fjármagns sem varið er til styrkveitinga úr Kvikmyndasjóði frá 2016 til 2018 eftir sjóðshlutum. Þar sést að 80 m.kr. hækkun fjárheimilda til Kvikmyndasjóðs skiptist þannig að um 50 m.kr. renna til sjóðshluta leikinna kvikmynda en um 15 m.kr. til hvors hinna tveggja.
| Tafla 2: Úthlutun skipt í sjóðshluta skv. samkomulagi um kvikmyndagerð | Fjárhæðir í m. kr. | |||
| % | 2016 | 2017 | 2018 | |
| Leiknar kvikmyndir | 65% | 505 | 550 | 600 |
| Leikið sjónvarpsefni | 18% | 140 | 152 | 167 |
| Heimildamyndir | 17% | 133 | 143 | 158 |
| Samtals til úthlutunar | 778,0 | 845,0 | 925,0 | |
Framlag til KMÍ nemur 131,8 m.kr. á árinu 2018, sem er 3,9 m.kr. hækkun milli ára eða um 3%.
Launakostnaður er stærsti útgjaldaliður KMÍ og gert er ráð fyrir að launakostnaður nemi um 70 m.kr. Þar er um nokkra hækkun að ræða vegna aukinna verkefna við endurgreiðslukerfi kvikmynda skv. samningi KMÍ við atvinnuvega- og nýsköpunarráðuneyti, og er í raun ekki greitt fyrir af fjárheimildum sem varið er til kjarnastarfsemi KMÍ.
Þá er hefur markaðs- og kynningarstarf hefur verulegt vægi í starfsemi KMÍ. Þar vega þyngst styrkir til kvikmyndahátíða og aðila sem standa fyrir sýningum menningarlegra kvikmynda á Íslandi en áætlað er að ríflega 30 m.kr verði varið til þeirra verkefna á árinu. Kynningarkostnaður á erlendum kvikmyndahátíðum sem innifelur gerð kynningarefnis, sendingarkostnað mynda á hátíðir og ferðakostnað nema um 15 m.kr. Þá styður KMÍ vinnusmiðjur og námskeið fyrir fagaðila og er áætlað að sá liður nemi um 3 m.kr. á árinu 2018. Erlend aðildargjöld og þátttaka í erlendu samstarfi um íslenska kvikmyndagerð nemur um 4 m.kr. Áætlað er að fyrir kostnaður við húsnæði, rekstur upplýsingakerfa og almennan rekstur nemi um 20 m.kr.
Framlag til starfsemi KMÍ hækkar um 7,7 m.kr. og munar þar mestu um áætlaðar launa- og verðlagsbreytingar.
Vekja má athygli á breytingu sem varðar stöðu kvikmyndagreinarinnar og skapandi greina almennt. Hagstofa Íslands fær 50 m.kr. fjárheimild sem verja skal til þess að bæta hagtölur um húsnæðismál, ferðaþjónustu, menningarmál og skapandi greinar.
Sjá útlistun hér að neðan:
| Tafla 1: Fjárheimildir KMÍ 2012-2017 skv. fjárlögum og 2018 skv. fjárlagafrumvarpi | Fjárhæðir í m.kr. | ||||||||||
| Kvikmyndamiðstöð Íslands | 2014 | 2015 | 2016 | 2017 | 2018 | ||||||
| Kvikmyndamiðstöð Íslands | 131,2 | 121,7 | 132,1 | 139,9 | 152,1 | ||||||
| Sértekjur Kvikmyndamiðstöðvar | -10,4 | -7,8 | -8,0 | -8,1 | -16,4 | ||||||
|
Framlag
til rekstrar KMÍ (kynningar,styrkir vegna listrænna kvikmyndasýninga) | 120,8 | 113,9 | 124,1 | 131,8 | 135,7 | ||||||
| Framlag til Kvikmyndasjóðs | 624,7 | 774,7 | 844,7 | 914,7 | 994,7 | ||||||
| Fjárheimild KMÍ samtals | 745,5 | 888,6 | 968,8 | 1.046,5 | 1.130,4 | ||||||
Í samræmi við samkomulag um stefnumörkun í kvikmyndagerð skiptast framlög í sjóðinn milli þriggja sjóðshluta byggt á tegund kvikmyndaverka. Þar kemur fram að 65% úthlutana sjóðsins skuli varið til leikinna kvikmynda, 18% til leikins sjónvarpsefnis og 17% til heimildamynda.
Hækkun framlaga í Kvikmyndasjóð um 80 m.kr. á árinu 2018 myndi skila sér í auknu bolmagni sjóðsins til að styrkja leiknar kvikmyndir um 57 m.kr., leikið sjónvarpsefni um 16 m.kr. og heimildamyndir um 15 m.kr.
Tafla 2 sýnir áætlaða skiptingu úthlutana Kvikmyndasjóðs fyrir sjóðshluta fyrir árin 2018 og 2019 miðað við áætlaða hækkun og sömu skiptingu fyrir árið 2016 og 2017 til samanburðar.
| Tafla 2: Úthlutun skipt í sjóðshluta skv. samkomulagi um kvikmyndagerð | Fjárhæðir í m.kr. |
||||||||||
| % | 2016 | 2017 | 2018 | 2019 | |||||||
| Leiknar kvikmyndir | 65% | 507 | 547 | 600 | 657 | ||||||
| Leikið sjónvarpsefni | 18% | 140 | 152 | 166 | 182 | ||||||
| Heimildamyndir | 17% | 132 | 143 | 156 | 172 | ||||||
| Samtals til úthlutunar | 779 | 842 | 922 | 1.011 | |||||||
Þess ber að geta að hluti fjárveitinga til Kvikmyndasjóðs kemur ekki til úthlutana í formi styrkja. Þar má nefna að í samkomulagi um stefnumörkun í kvikmyndagerð fyrir árin 2017 til 2019 eru 40 m.kr. eyrnamerktar öðrum þáttum tengdum endurskoðun laga o.fl. auk þess sem sjóðurinn fjármagnar aðild að alþjóðlegu samstarfi og launalið kvikmyndaráðgjafa.