Gamall íslenskur kántry söngvari sem er á krossgötum í lífinu gerir eina loka tilraun til að fara aftur á bak. En um leið þarf hann að gera upp fortíðina sem er eins og myllusteinn um háls hans. 

Fyrrum 9 manna útópíska lýðræðisríkið GusGus inniheldur tvo andstæða póla í dag: Bigga og Daníel. GusGus er orðið einvaldsríki undir járnhæl Bigga veiru, sem fyrr mun tortíma hljómsveitinni heldur en að gera málamiðlun. Gjörðir þeirra varpa ljósi á þyrnum stráða sögu GusGus; sigra, svik og framtíð. 

Á töfrandi hringferð um fallega Ísland kynnumst við hörkuduglegum konum, sem reka einstök kaffihús með ómótstæðilegum veitingum en líka söngkonu sem er að skrifa leikrit og samferðakonu hennar.

Karl Guðmundsson er einstakur listamaður. Lokaður inni í ieigin líkama, með augun ein til að tjá sig, skapar hann myndlist af stærðargráðu sem sannar að sköpunarmáttur hugans verður ekki heftur innan neinna líkamlegra landamæra. 

Kvikmyndin Veðurskeytin er dramatísk vegferð inn á óþekkt svæði mannshugans. Afburðagreindur norrænufræðingur sem hefur unnið til mikilla afreka á sínu sviði þarf skyndilega að endurskoða líf sitt. Veikindi gera það að verkum að hann þarf að gera nýjan samning við sjálfan sig. Sem slíkur er hann landkönnuður eigin hugarheims. 

Andrea Jónsdóttir, plötusnúður er á áttræðisaldri. Hún fellur ekki í hefðbundin mót samfélagsins og lifir öðruvísi lífsstíl en ætlast er til af fólki á hennar aldri. Myndin fylgir rokkömmunni í 24 tíma. Með endurliti speglast í senn konan sem er byltingin holdi klædd og það samfélagsumrót sem hún hefur lifað á langri ævi. Þrjár kynslóðir kvenna; amman, dóttirin og barnabarnið segja söguna.