Duld fjallar um Vigdísi, yfirmann á lögmannsstofu, og einn morgun í hennar lífi í dystópískum hliðarveruleika.

Þegar mikill stormur nálgast niðurnítt heimili Heru við sjávarsíðu landsbyggðarinnar, verður hún að ákveða hvort það sé kominn tími til að flytja til borgarinnar með syni sínum eða vera áfram og mæta hörmungum veðurfarsbreytinga.

Þegar ung móðir mætir með dóttur sína á heilsugæslu í 3ja mánaða skoðun fara hlutirnir ekki eins og hún hafði óskað sér.

Jóhanna af Örk fylgir þremur systkinum þegar þau byggja upp riddarafígúru úti í opnu landslaginu til að nota sem skotmark fyrir örvar. Í gegnum árstíðirnar fylgjumst við með lífi þeirra er þau bæði búa til og eyða þessari sérstæðu sköpun sinni.

Í vikulegum ferðum sínum í sundlaugina upplifir Neema, ungur innflytjandi á Íslandi, röð óvæntra umbreytinga sem koma í veg fyrir tengsl hennar við fólk í kringum sig.

Kona fórnar kontrabassanum sínum í foss. Gjörningurinn verður upptaktur að nýju og mýkra lífi þar sem sannur sköpunarkraftur blæs ást og yl þar sem áður var hjákátlegt framabrölt.