Kona fórnar kontrabassanum sínum í foss. Gjörningurinn verður upptaktur að nýju og mýkra lífi þar sem sannur sköpunarkraftur blæs ást og yl þar sem áður var hjákátlegt framabrölt.

Dag einn þegar Breki (11) er einn heima, stelst hann í föt og makeup stóru systur sinnar og skilur herbergið eftir í rúst. Þegar fjölskyldan kemur óvænt heim, tekur við atburðarás sem leiðir til löngu tímabærs uppgjörs milli systkinana. 

Eftir að upprennandi söngkonan Björk kemur fram á forboðnum klúbbi bandaríkjahers, Camp Tripoli, lendir hún í klóm hins fasíska Ungmennaeftirlits og alíslenskrar fáfræði.

Grímur er 11 ára strákur sem er að reyna lifa sínu eðlilega lífi. Lífið hans er þó ekkert eðlilegt, þar sem móðir hans er með geðhvarfasýki og getur ekki hugsað um hann. Hann hefur því þurft að hugsa um sig sjálfan í töluverðan tíma. Þegar mamma hans er svo lögð inná geðdeild fer hann að sjá að lífið getur verið mun betra. 

Einstaklingur tekst á við aðstæður sem reyna á siðferði mannskepnunnar í aftengdum heimi við náttúruna. 

Ungur kokkur fær tækifæri til að sanna sig sem almennilegur matreiðslumaður fyrir yfirkokki sínum sem sættir sig við ekkert minna en fullkomnun.