Ellen Kristjánsdóttir, tónlistarkona, fer í sérlega hugrakkt ferðalag um fortíð sína og nútíð þar sem takast á stórir sigrar og djúpir sorgardalir. Hún fer m.a. á bernskuslóðir sínar í Kaliforníu í leit að sannleikanum, heilun og nýjum uppgötvunum.

Tónlistarmaðurinn, textahöfundurinn, leikarinn og söngvarinn Egill Ólafsson tekur upp síðustu plötuna sína á meðan heilsu hans hrakar.

Í gegnum dagbókarfærslur Sveins Þórarinssonar (1821-1869) er sagt frá hógværri byltingu: Þegar „nýi söngurinn“ barst til Íslands, fólk fór að syngja í dúr og moll og mörgum röddum, svo að áhugi á tónlist sem ættuð var frá miðöldum laut í lægra haldi.

Í Loðmundarfirði er sérstætt bæjarfélag í umsjá hjónanna Ólafs og Jóhönnu. Bæjarbúar eru æðarfuglar sem leggja í langt ferðalag til þess eins að ala upp afkvæmi sín í þessari öruggu náttúruparadís. Það skiptast á skin og skúrir í lífi fuglanna en samlífið með hjónunum er einstakt fyrir alla aðila.

Heimildamynd um eina svakalegustu og ótrúlegustu björgun tveggja manna úr jeppa fastskorðuðu í sprungu í Hofsjökli. Hrikalegar aðstæður öftruðu ekki björgunarfólki á þyrlum sem lagði sig í mikla lífshættu við að síga niður og ná mönnunum úr jeppanum.

Heimildamynd um íslenska bardagaíþróttakennarann Immu Helgu sem af mikilli ástríðu kennir óhefðbunda aðferðarfræði í sjálfsvörn kvenna.

Fjórir menn hafa lagt líf sitt á youtube. En til hvers og fyrir hvern? Paradís Amatörsins byggir á upptökum frá fjórum kynslóðum karlmanna af því sem þeim þykir mikilvægt að deila með öðrum.

Anna María kynnir sér lífræna ræktun á Íslandi út frá áhrifum á umhverfið, náttúruna og heilsu barnanna okkar. Við kynnumst hugsjón og ástríðu lífrænu bændanna og sögunni á bak við matinn.

Saga riðuveiki í sauðfé á Íslandi, hvernig hún komst hingað, baráttan við hana og hugsanleg lausn í sjónmáli.

Gvuuuð... þetta er kraftaverk mun setja í brennidepil íslensk tónskáld, hvernig mörgum af ungu tónlistarmönnunum sem komu fram í Gargandi Snilld hefur gengið og hvernig þeir hafa að þróast í mun flóknari og vandaðri tónlistarhöfunda.

Fyrrum 9 manna útópíska lýðræðisríkið GusGus inniheldur tvo andstæða póla í dag: Bigga og Daníel. GusGus er orðið einvaldsríki undir járnhæl Bigga veiru, sem fyrr mun tortíma hljómsveitinni heldur en að gera málamiðlun. Gjörðir þeirra varpa ljósi á þyrnum stráða sögu GusGus; sigra, svik og framtíð. 

Maður temur hesta, braskar og hefur riðið til sigurs í rúm 50 ár. Hann er Sigurbjörn Bárðarson hestamaður, sigurvegari, dýravinur og baráttumaður sem hefur áratugum saman verið í fremstu röð af eigin verðleikum. Diddi hóf ferilinn með tvær hendur tómar en var fljótur að læra af hestaköllum og bílabröskurum hvernig hann ætti að ná árangri og standa á toppnum. Hann er einn verðlaunaðasti íþróttamaður íslenskrar íþróttasögu. 

Hversdagslegir atburðir, gleði og sorgir eru fangaðir á filmu meðan lífið heldur áfram í allri sinni fegurð hjá gamla fólkinu á Grund.

Karl Guðmundsson er einstakur listamaður. Lokaður inni í ieigin líkama, með augun ein til að tjá sig, skapar hann myndlist af stærðargráðu sem sannar að sköpunarmáttur hugans verður ekki heftur innan neinna líkamlegra landamæra. 

Innan veggja kaþólsku kirkjunnar á Íslandi leyndist harmleikur, falinn til margra áratuga, sem tengdist ofbeldi gagnvart börnum af hálfu æðstu stjórnenda Landakotsskóla.

Brestir fóru að myndast í þeim þykku veggjum árið 2008 eftir að þýsk kennslukona fannst látin á leikvellinum við skólann.

Kvikmyndin Veðurskeytin er dramatísk vegferð inn á óþekkt svæði mannshugans. Afburðagreindur norrænufræðingur sem hefur unnið til mikilla afreka á sínu sviði þarf skyndilega að endurskoða líf sitt. Veikindi gera það að verkum að hann þarf að gera nýjan samning við sjálfan sig. Sem slíkur er hann landkönnuður eigin hugarheims. 

Skapandi heimildamynd um óræð áhrif Covid-19 veirunnar á íslenskt samfélag með áherslu á persónulega upplifun nokkurra íbúa. 

Þórgunnur (15 ára) ríður yfir hálendið til að taka þátt í Íslandsmóti hestaíþróttum og tekst á við aðstæður sem reyna á traust milli hests og knapa, líkt og í keppnin sem bíður þeirra.

Náinn innsýn í líf og verk kvikmyndagerðarkonunnar Sólveigar Anspach.

Different generations of women give us rare insights into their world and what it takes to survive in the geothermal industry, a male-dominated field. The women share their struggles and successes, and the changes that have taken place in the workplace over the years

Stærsta og undarlegasta rán Íslandssögunnar var framið af fimm æskuvinum 2017 og 2018, þar sem hundruðum milljóna virði af Bitcoin tölvum var stolið. Þótt sökudólgarnir hafi náðst er mörgum spurningum enn ósvarað.

Stutt tilraunakennd heimildamynd um borgar- og menningarlíf á Íslandií byrjun tuttugustu aldar þegar kvikmyndagerð var að hefjast á landinu samhliða örum vexti borgarinnar.

Hross í Hvalfirði veikjast af óþekktum sjúkdómi. Bóndinn er tilneyddur til að slátra gripunum og eftir krufningu kemur í ljós fjórfalt magn flúors í beinum og tönnum hestanna. Eini uppruni flúors er frá álverksmiðju skammt frá. Bóndinn tekst á við stóriðjuna, yfirvöld og nágranna sína til að komast að hinu sanna í málinu. 

Heimildamynd um fjölskyldubönd, arfleifð og íslenska hönnun.

Árið 1978 samdi Vegagerðin við “anda” úr fortíðinni um að hætta við að sprengja upp kletta í Tröllaskarði. Hvers vegna og hverjar urðu afleiðingarnar?

Trommarar og dansarar frá Gíneu, Vestur-Afríku í leit að betra lífi, setjast að á Íslandi. Sjóðheit Afríka og ískalt Ísland mætast í Kramhúsinu, í litlu bakhúsi á Bergstaðarstræti kenna þeir íslenskum konum afríska dansa.

Kviksyndi er heimildarmynd um millistéttina á Íslandi. Staða hennar í nútíma þjóðfélagi og og þá staðreynd að stór hluti hennar nær ekki endum saman þrátt fyrir 100% vinnu og oft á tíðum mikla menntun.

Um er að ræða gerð 52 mínútna heimildamyndar um afar merka sögu Hegningarhússins við Skólavörðustíg 9, sem byggt var sérstaklega sem fangelsi 1872 og er eitt elsta steinhús landsins.

Á efri hæð byggingarinnar voru höfuðstöðvar lögreglu, bæjarþingstofa Reykjavíkur og aðsetur Landsyfirréttar og síðar Hæstaréttar frá 1920 - 1949.  Þar var einnig heimili fangavarða. Framsetning efnis verður hæfileg blanda af þulartexta og sögur af atburðum í frásögn fólks af báðum kynjum sem til þekkja og hafa tengst húsinu á ýmsa vegu; fanga, fangavarða, sagnfæðinga, dómara, embættismanna, aðstandenda o.fl.  Fléttað verður inn þróun dómsmála;lögbrota og refsinga á Íslandi í gegnum tíðina. Það er einstakt að starfandi fangelsi skuli hafa þrifist í miðjum höfuðstað landsins mitt á milli verslana, veitingastaða og skemmtistaða bæjarins í öll þessi ár.

Einstök heimildamynd um líf og hugarheim stúlkna sem loka sig ævilangt bak við rimla Karmelklaustursins.