Kvikmyndin Against the Ice frumsýnd á Berlinale Special Gala
Kvikmyndin Against the Ice eftir Peter Flinth, verður frumsýnd á alþjóðlegu kvikmyndahátíðinni í Berlín í flokknum Berlinale Special Gala. Hátíðin fer fram dagana 10. – 20. febrúar.
Baltasar Kormákur og RVK Studios framleiddu myndina fyrir Netflix, í samstarfi við Nikolaj Coster-Waldau. Myndin er byggð á sannsögulegum atburðum um þrekraun tveggja pólfara sem urðu innlyksa á Grænlandi um langt skeið snemma á 20.öldinni.
Myndin var að stærstum hluta unnin hér á landi og með aðalhlutverk fara Nikolaj Coster-Waldau og Joe Cole. Með önnur hlutverk fara m.a. Charles Dance, Heiða Rún Sigurðardóttir og Gísli Örn Garðarsson. Kjartan Kjartansson sá um hljóðhönnun og Volker Bertelmann um tónlist. Tónlistin var flutt af SinfoniaNord og tekin upp í Hofi á Akureyri, ásamt kammerkórnum Hymnodia. Þá fór eftirvinnsla myndarinnar alfarið fram á Íslandi í samvinnu við Trickshot.
Allar nánari upplýsingar um Berlinale kvikmyndahátíðina má finna á heimasíðu hátíðarinnar.