Nýjum samnorrænum verðlaunum hleypt af stokkunum
Til þess að heiðra starf framleiðenda heimildamynda hefur samnorræna kvikmyndahátíðin Nordisk Panorama hleypt af stokkunum nýjum verðlaunum.
Verðlaunin verða verða styrkt af fagfélögum á Norðurlöndunum, þar á meðal Félagi kvikmyndagerðarmanna á Íslandi. Tilnefningarnar verða í höndum leikstjóra heimildamynda en dómnefnd fyrir Íslands hönd verður skipuð af stjórn Félags kvikmyndagerðarmanna.
Í tilkynningu frá Félagi kvikmyndagerðarmanna segir að verðlaunin verði afhent árlega framleiðanda heimildamynda sem á skilið sérstaka viðurkennningu fyrir nýleg verkefni innan norræna heimildamyndaiðnaðarins: „Leiðtoga sem hefur sýnt hugrekki og áræðni, varðað nýjar leiðir, lagt hönd á plóg við ræktun nýliða í greininni og stuðlað að framförum heimildamyndalistformsins.“
Handhafi verðlaunanna hlýtur hlýtur peningaverðlaun að upphæð 10.000.- evra, styrkt af Dönsku framleiðendasamtökunum, Samtökum norskra framleiðenda, Hljóð- og myndmiðlaframleiðendum í Finnlandi (APFI), Finnska heimildamyndafélaginu, Filmproducenternas rättighetsförening (FRF), og Félagi íslenskra kvikmyndagerðarmanna (FK).
Á vef Félags kvikmyndagerðarmanna má finna frekari upplýsingar um ferlið, en allar tilnefningar eiga að berast til info[hjá]fkvik.is, fyrir 15. júní 2023.