Opið fyrir innsendinar í Sprettfisk
Opnað hefur verið fyrir umsóknir í Sprettfisk, stuttmyndasamkeppni Stockfish kvikmyndahátíðarinnar sem haldin verður í níunda sinn dagana 23. mars – 2. apríl í Bíó Paradís. Umsóknarfrestur er til 4. mars.
Keppt verður í fjórum flokkum:
- Besta leikna stuttmyndin
- Besta stutta heimildamyndin
- Besta stutta tilraunamyndin
- Besta tónlistarmyndbandið
Flokkarnir endurspegla þá grósku og fjölbreytni sem er í kvikmyndagerð hér á landi. Markmið keppninnar er að vekja athygli á upprennandi kvikmyndagerðarfólki og hvetja það til góðra verka með verðlaunum sem geta lagt grunninn að næsta verkefni. Verðlaunin koma frá KUKL tækjaleigu, Trickshot eftirvinnslu og RÚV. Verðlaunamyndirnar verða sýndar á RÚV og verða aðgengilegar í spilara RÚV.
Verðlaun
Besta leikna stuttmyndin
KUKL: 1.000.000 úttekt á tækjum
RÚV: 700.000 reiðufé
TRICKSHOT: 200.000 þjónusta og ráðgjöf
Best stutta heimildamyndin
KUKL: 500.000 úttekt á tækjum
RÚV: 700.000 reiðufé
TRICKSHOT 200.000 þjónusta og ráðgjöf
Besta stutta tilraunamyndin
KUKL: 250.000 úttekt á tækjum
RÚV: 300.000 reiðufé
TRICKSHOT: 200.000 þjónusta og ráðgjöf
Besta tónlistarmyndbandið
KUKL: 250.000 úttekt á tækjum
RÚV: 300.000 reiðufé
TRICKSHOT: 200.000 þjónusta og ráðgjöf
Þátttökuskilyrði
Myndin þarf að vera að hámarki 30 mínútna löng. Framleiðslu ekki lokið fyrir janúar 2022 og íslensk frumsýning nú á Stockfish 2023.
Aðeins íslensk verk eru tekin til greina þar sem höfundur/leikstjóri og/eða framleiðandi er íslenskur.
Tónlistarmyndbönd koma aðeins til greina ef leikstjórinn er íslenskur.
Tónlistarmyndbönd skulu gerð eftir frumsömdu lagi.
Innsendingar eru ókeypis og fara fram á Filmfreeway .
Tuttugu stuttmyndir sem valdar verða til keppni verða sýndar á sjálfri hátíðinni.