Opið fyrir skráningar í stuttmyndakeppni Sólveigar Anspach 2022
Stuttmyndakeppni í nafni leikstjórans Sólveigar Anspach óskar eftir umsóknum. Lokað verður fyrir skráningar þann 30. október 2021.
Sólveigar Anspach samkeppnin er opin stuttmyndum sem konur hafa leikstýrt. Keppnin er samvinna á milli Frönsku kvikmyndahátíðarinnar og RVK Feminist Film Festival.
Skilyrði fyrir þátttöku eru eftirfarandi:
- að leikstjóri stuttmyndarinnar sé kona, með ríkisfang eða búsetu í frönskumælandi landi, eða sé íslensk eða búsett á Íslandi og hún hafi ekki haft framleiðslufyrirtæki á bak við sig í fleiri en þremur myndum.
- að myndin sé að hámarki 20 mínútna löng, að meðtöldum kreditlistum. Öllum myndum, sem fara fram yfir þessi mörk, verður umyrðalaust hafnað.
- að lokið hafi verið við myndina eftir 1. janúar 2019.
- að myndin sé á frönsku eða íslensku.
- að myndin sé með enskum texta.
- að myndin hafi verið skráð til keppni fyrir 30. október 2021 kl. 23:00 UTC samkvæmt skilyrðum sem tilgreind eru í 3. lið.
- að myndin sé á VIMEO formi eingöngu.
Dómnefnin afhendir tvö verðlaun, ein fyrir bestu stuttmyndina á frönsku og ein fyrir bestu stuttmyndina á íslensku.
Stuttmyndirnar, sem dómnefnd velur, verða sýndar á sérstakri kvöldvöku í Reykjavík (á Íslandi) sem hluti af RVK Feminist Film Festival í janúar 2022 og í Pantin í júní 2022 (í Frakklandi) sem hluti af stuttmyndahátíðinni Côté Court.
Sendiráð Íslands í París býður íslenska leikstjóranum, sem hlýtur verðlaunin, til Frakklands til þess að kynna mynd sína á stuttmyndahátíðinni Côté Court í Pantin.
Allar nánari upplýsingar um keppnina og hvernig skuli sækja um má finna hér.