Á döfinni
Smoke Sauna Sisterhood tilnefnd til LUX-verðlaunanna
Heimildamynd Önnu Hints, Smoke Sauna Sisterhood, er á meðal fimm mynda sem tilnefndar eru til LUX-áhorfendaverðlauna Evrópuþingsins.
Hægt er að taka þátt í kosningu um verðlaunin á vef Evrópuþingsins.
Myndin er samframleiðsla milli Eistlands, Frakklands og Íslands, og var hún styrkt af Kvikmyndasjóði Íslands.
Nýverið var tilkynnt að myndin sé á meðal 14 heimildamynda sem eiga möguleika á tilnefningu til Evrópsku kvikmyndaverðlaunanna, en fyrir hefur hún hlotið verðlaun á Sundance-kvikmyndahátíðinni fyrir bestu leikstjórn. Myndin fer í almennar sýningar á Íslandi 23. nóvember 2023.