Sumarljós og svo kemur nóttin í almennar sýningar í Bandaríkjunum
Kvikmynd Elfars Aðalsteins, Sumarljós og svo kemur nóttin, fer í sýningar í bandarískum kvikmyndahúsum í haust. Juno Films fer með sölu kvikmyndarinnar á heimsvísu.
Myndin verður frumsýnd í IFC Center í New York 20. september og svo sýnd í Monica Film Center í Los Angeles 27. september, áður en hún fer í almennar sýningar víðar í Bandaríkjunum. Juno Films stefnir svo að sýningu myndarinnar á Bretlandseyjum snemma árs 2025 áður en hún fer í alþjóðlega dreifingu.
Sumarljós og svo kemur nóttin er önnur kvikmynd Elfars Aðalsteins í fullri lengd. Hún var heimsfrumsýnd alþjóðlegu kvikmyndahátíðinni í Tallinn í Eistlandi í desember 2022 og var valin besta norræna kvikmyndin á alþjóðlegu kvikmyndahátíðinni í Santa Barbara í Bandaríkjunum.
Myndin byggist á samnefndri skáldsögu eftir Jón Kalman Stefánsson og var frumsýnd á Íslandi 14. október 2022.