Fjárheimildir Kvikmyndamiðstöðvar kynntar í fjárlagafrumvarpi 2023
Í fjárlagafrumvarpi fyrir árið 2023 , sem fjármála- og efnahagsráðherra kynnti 12. september, eru boðaðar breytingar á fjárheimildum til bæði Kvikmyndamiðstöðvar og Kvikmyndasjóðs.
Ástæða lækkunar framlags til Kvikmyndasjóðs er frestun sérstaks tímabundins fjárfestingarátaks ríkisstjórnarinnar til að sporna við niðursveiflu í efnahagslífinu í kjölfar heimsfaraldurs kórónuveirunnar til ársins 2024. Árið 2021 voru settar 412 m.kr. af þessu tímabundna fjárfestingarátaki í Kvikmyndasjóð, sem ekki er hægt að halda óbreyttu vegna frestunar fjárfestingarátaksins.
| Fjárhæðir í m.kr. | ||||
| 2022 | 2023 | Mism | Mism% | |
| Kvikmyndamiðstöð | 151,5 | 101,0 | -50,5 | -33,3% |
| Kvikmyndasjóður | 1.527,0 | 1.093,9 | -433,1 | -28,4% |
| Til ráðstöfunar | 1.678,5 | 1.194,9 | -483,6 | -28,8% |
Fjárlagafrumvarpið gerir ráð fyrir 1.093,9 m.kr. framlögum til Kvikmyndasjóðs árið 2023. Fjárheimildir numu 1.527,0 m.kr. í fjárlögum 2022.
Gert er ráð fyrir 101,0 m.kr. framlagi til reksturs Kvikmyndamiðstöðvar 2023. Fjárheimildir árið 2022 gerðu ráð fyrir 151,5 m.kr.