Opið fyrir skráningar í stuttmyndakeppni Sólveigar Anspach 2023

13. september - 16. október

Opnað hefur verið fyrir skráningar í stuttmyndakeppni Sólveigar Anspach, sem fer fram sem hluti af RVK Feminist Film Festival. Dómnefnd velur stuttmyndir sem keppa um tvenn verðlaun, fyrir bestu stuttmyndina á frönsku og fyrir bestu stuttmyndina á íslensku.

Stuttmyndirnar verða sýndar á sérstakri kvöldvöku í Reykjavík sem hluti af RVK Feminist Film Festival í janúar 2023 og í Pantin í Frakklandi júní 2023, sem hluti af stuttmyndahátíðinni Côté Court.

Skilyrði fyrir þátttöku:

Að leikstjóri stuttmyndarinnar sé kona, með ríkisfang eða búsetu í frönskumælandi landi, eða sé íslensk eða búsett á Íslandi og hún hafi ekki haft framleiðslufyrirtæki á bak við sig í fleiri en þremur myndum.
Að myndin sé að hámarki 20 mínútna löng, að meðtöldum kreditlistum. Öllum myndum, sem fara fram yfir þessi mörk, verður umyrðalaust hafnað.
Að lokið hafi verið við myndina eftir 1. janúar 2020.
Að myndin sé á frönsku eða íslensku.
Að myndin sé með enskum texta.
Að myndin hafi verið skráð til keppni fyrir 16. október 2022 kl. 23:00 UTC samkvæmt skilyrðum sem tilgreind eru í 3. lið.
Að myndin sé á VIMEO formi eingöngu.

Verðlaun Sólveigar Anspach eru veitt með það fyrir augum að hvetja kvenmenn til að leikstýra kvikmyndum í auknum mæli. Aðstandendur Frönsku kvikmyndahátíðarinnar ákváðu að heiðra minningu Sólveigar, sem lést aðeins 54 ára að aldri árið 2015, með því að nefna þessi verðlaun í höfuðið á henni.

Sendiráð Íslands í París býður íslenska leikstjóranum, sem hlýtur verðlaunin, til Frakklands til þess að kynna mynd sína á stuttmyndahátíðinni Côté Court í Pantin.

Netfang: sashortfilms@af.is

Allar nánari upplýsingar um stuttmyndakeppnina og hvernig skuli sækja um er að finna á vef Alliance Française Reykjavík.